Popular Bible Verses from IBRANI 13

Share

Jibeakba idupnu kenuaso caci, tapi lokba udi pues ngen jano de ade. Sebab Allah bi madeak, “Uku coa bakea munyau atau bakea teminggea ko.”

Yesus Kristus tep serai, baik bel'o, uyo, sapei selamo-lamone.

Sebab o ite binai madeak, “Tuhan adeba penulungku, uku coa saben. Jano de dapet manusio nea teadepku?”

Ingetba utuk menea baik ngen saling temulung, sebab dioba kurban-kurban de semnang atei Allah.

Sebab o, liwet Yesus, lokba ite bogoa mujai-mujai Allah; do'o adeba kurban syukur ite ngen-Si, de ite melei liwet ucapan bibia utuk memuliakan gen-Ne.

Kute tun harus kemten sikep hormat teadep perkawinan, do'o sebabne lokba maten-ngenyan setia do ngen de luyen. Tun de cabul ngen tun de berzinah bakea nhukum Allah.

Jibeak segan temimo neak umeaknu tun-tun de ati udi kenal. Sebab ngen menea de awei o, perneak tun, coa sadar, bi temimo malaikat neak umeakne.

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite. Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.