Popular Bible Verses from YAKOBUS 1

Share

Saudaro-saudaro! Amen udi meding memecem cobaan, lokba udi meding utung. Sebab udi namen, bahwo amen udi tep pecayo ngen Tuhan pado waktau meding cobaan, akibatne adeba: udi jijai sabar.

Amen ade tun neak antaro udi de kuang bijaksana, lokba si minoine kunei Allah, mako Allah bakea melei kebijaksanaan ngen udi; sebab ngen tiep tun, Allah melei ngen mu'eak atei ngen asai ibo.

Kemliakba dio bebaik, Saudaro-saudaro de tecito! Tiep tun harus gacang utuk temi'uk, tapi cendok utuk miling ngen mengiak.

Jagoba supayo ketabahan ateinu o berkembang sapei udi jijai sungguak-sungguak sempurno serto coa kuang lem hal jano bae.

Lokba udi menea jano de nadeak Allah, jibeak cuma temi'uk bae, sehinggo ngen awei o udi mike dirai suang.

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

Tiep pelei de baik ngen hadiah de sempurno tekone kunei surgo, tenu'un Allah, Pencipto kute te'ang neak lenget. Siba Allah de coa bubeak, coa kulo jijai sembab tiep kelem.

Tun de temi'uk Firman Allah, tapi coa kemerjone adeba awei tun de gidong kemliak papeane de sebeneane neak adep kaco. Sesudo si kemliak bebaik, si kulo lalau ngen langsung coa tinget awei ipe betuk papeane o.

Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.

Amen su'ang tun tergoda ngen cobaan de awei o, jibeakba si madeak, “Godaan yo tekone kunei Allah,” sebab Allah coa dapet tegoda ngen kejahatan, coa kulo menggoda suang tun kulo. Tapi tun tergoda amen si tenarik ngen tepiket ngen kelokne su'ang de coa baik.

Tun Kristen de peset lokba meding riang amen Allah melekatne.