Popular Bible Verses from IBRANI 12

Share

Nah, tetang ite suang, neak skliling te ade dau sekilai saksai! Sebab o, maroba ite muang kute de jijai beban ite ngen duso de terus melket ngen ite. Maroba ite ngen tekun temotoa perlombaan de ade neak adep te. Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

Memang pado waktau ite najea, hukuman o coa semnang atei ite, meluyen cuma menea ibo bae. Tapi sesudo'o, utuk ite de sudo najea, hukuman o jijai sebab ite idup temurut kelok Allah, menea perasaan sejahtera utuk ite.

Berusahoba utuk idup damoi ngen kute tun. Berusahoba kulo utuk idup sucai, khusus utuk Tuhan. Sebab coa suang kulo dapet kemliak Tuhan amen si coa idup awei o.

Cubo meker akuaro sarone Yesus madep tun-tun beduso de melawen-Si ngen kembiak sengit! Sebab o jibeakba titik atei ngen putus smanget.

Kerno o, lok ba ite mucep mokasiak ngen Allah, karno ite temimo kunei Si sesuaktau kerajaan de coa dapet genuyang. Lokba ite mokasiak, beribadah ngen Allah. Hormat ngen saben, temurut ca'o de kenlok-Ne suang.

Lokba udi temimo cambukan kunei Allah sebagai debuak hajaran kunei suang Bapak. Sebab jano perneak suang anok coa Bakne nhukum?

Sebab Allah ite awei opoi de menea jijai mutung.

Tun tuai te de neak dunio majea ite cuma lem waktau de tebatas, temurut jano de tobo'o meraso baik. Tapi Allah majea ite utuk kebaik ite suang, supayo ite dapet jijai sucai besamo-samo ngen Si.

Sebab lem perjuangannu melawen duso, udi coa perneak bejuang sapei harus temupeak daleak.