Popular Bible Verses from ABAFILIPPI 2

Share

Temukolanga kintu na kimu mu kwepanka, wadde mu kwefaako mwekka, wabula mukolenga byonna mu bwetoowaze, nga temulowooza nti mmwe musinga abalala. Temufanga ku byammwe byokka, naye mufenga ne ku by'abalala.

Mubenga n'endowooza nga Kristo gye yalina

Yalina obulamu obw'Obwakatonda, kyokka teyalemera ku kwenkanankana ne Katonda, wabula yeggyako ekitiibwa, n'afuuka omuweereza. Yeefuula omuntu nga ffe. Era bwe yessa ku mutindo gw'abantu, ne yeetoowaza, n'aba muwulize n'atuukira ddala ku kufa, ate okufa okw'oku musaalaba.

kubanga Katonda ye akolera mu mmwe okubaagazisa n'okubasobozesa okukola by'ayagala.

Katonda kyeyava amugulumiza ennyo, n'amuwa erinnya erisinga amannya gonna, bonna abali mu ggulu, n'abali ku nsi, era n'abali wansi w'ensi balyoke bafukaamirirenga erinnya lya Yesu, era bonna baatulenga nti Yesu Kristo ye Mukama, Katonda Kitaffe alyoke aweebwe ekitiibwa.

Byonna mubikolenga awatali kwemulugunya wadde empaka, mulyoke mube nga temulina musango, wadde kye munenyezebwa, mube baana ba Katonda abatalina bbala, nga muli mu nsi ejjudde abantu ababi era aboonoonefu. Muteekwa okulabika mu bo nga muli ng'emmunyeenye ezimulisa eggulu

Kale abaagalwa, nga bwe mwali abawulize bulijjo nga ndi nammwe, kaakano nga bwe siri nammwe, mube bawulize nnyo n'okusinga bwe mwali. Mmwe mwennyini mukolererenga okulokolebwa kwammwe, nga mutya era nga mukankana