Popular Bible Verses from Waroma 3

Share

Kwa mzoko wose wabananga, wagilwa na fufula jawo ja iyenzi ya Mulungu. Kileka wenghigwe uholo wa kugoloka yamba kwa nzila ya ugombozi wa Yesu Kristo.

Nolonga mgoloko wa Mulungu uwo usongaga kumtogola Yesu Kristo, kabili wose wene kumtamanila wogwelelwa ihoko; kilumbo haduhu yobanza miyage.

Heyo Mulungu kamwika kiguo cha mpaka kwa nzila ya kuutamanila mulopa wake, giladi yalagusile ihoko yake viili, kwa kuwasegezela matozo gose galongole. Ago Mulungu gayazaganye, komu kipigiti kino kolagila ihoko, kilumbo Mwenyecho yuyo Mwene Ihoko, yampetele ihoko yuja yonda yamtamanile Yesu.

Kwa mzoko haduhu mwene lukuli lwa kimunhu yonda yapetigwe ihoko, kamba kagatenda ga Inzuma, kilumbo Inzuma iyo ilagusilaga matozo.

Vivo viyandikigwe, Haduhu yagoloke hata yumwe. Haduhu mwene nzewele; haduhu yomzahila Mulungu. Wose hamonga waga mnzila, wahohotoka wose; haduhu yotenda ganogile, haduhu hata yumwe.

Avo todigoga dino kamba, Munhu kopetigwa ihoko kwa kumtamanila Mulungu, viyemela na yaleke kuvikiza Inzuma.

Aka sivivo; bali Mulungu yatangike kamba yuyo Mwene ihoko, na munhu yatangike kumbe mwene utungulu, kamba viyandikigwe, Giladi upetigwe kamba Mwene ihoko muulonzi wako, ukahume vonda wingile mkitala.