Popular Bible Verses from Waroma 2

Share

Avo gweye unangaga wayagwe wene gehile, bali mwenyecho kumbe kosanghana gagaja, che, kogelegeza kamba kwiza kokihonya na ikitala cha Mulungu? Hebu kouzela unozi bwando na nyazaganyo zake na finyilizo zake, uleke kuvitanga kamba unozi wa Mulungu okukwega ugaleke gaja gehile?

Avo gweye munhu vuuli wowose, kwabule da kwibelela mwenyecho, kamba uhawananga wayago; kilumbo ago gouwananga wayagwe, kokitagusa mwenyecho, kwa mzoko gweye konanga gagaja gautendaga.

Kilumbo Mulungu halolaga kihanga cha munhu.

Kilumbo waja wondawagoloke hameso ga Mulungu, siwo wene kuhulika na magutwi yeka, bali wene kuisanghana Inzuma, iwo wonda wagolelwe mgoloko.

Vivo vonda yamulihe kila munhu kamba sanghana zake vizili.

Komu waja wadwanzi walemaga kugoga gaja ga ihoko, kuno wonogelwa na ubananzi, awo wolupata lusango lwene moto.

Bali kwa uja uugaga wako, na mmoyo mmwako vumuli bule nghunzulo, kokiikila siga ya lusango, winghigwe siku da ulusango, nhaguso ija igambile vonda igubulwe na Mulungu.