Popular Bible Verses from Waroma 4

Share

Bali kija kilagano cha Mulungu halemelwe kukitamanila, komu nhamanilo imgwelela mhiko za kumtuniza Mulungu. Kwa mzoko kagagoga mmoyo gayamanyile kamba, Heyo kana mhiko za kuduganya gaja gayalagane.

Kamba viyandikigwe, Nikwika ugalamke tata wa ngholo bwando. Kwa mzoko kamtamanila Mulungu yuja yowabweza wadanganike kuugima, Yovikema vili haduhu viwe baho.

Yuyo yahonzigwe kwa kilumbo cha ubananzi wetu, kazuswa giladi na tweye tupetigwe muli ihoko.

Bahaja hayakalile bule cha kubeta chochose, kabasiliza kukitamanila kiyobeta kamba, kogalamka tata wa ngholo bwando, kamba viyalongelwe, avo vivo wa ulelwa wako vondawawe bwando (kamba nhondo za kuulanga).

Avo wene kumtamanila Mulungu wawo wonda wenghigwe kija ikilagano, chowenela hewo wose wagambile mlelwa wake, si kamba wene kuigoga inzuma iyeka, bali na hewo wene kuikoleleza nzila yake Abrahamu ija ya kumtamanila Mulungu; heyo yali tata wetu tweye chose.

Wene belabela iwo wawo wasegezelwe gehile, wagubikilwe matozo. Mwene belabela yuyo imunhu yuja, Bwana yalekile kumpetela matozo gake.

Kumbe Jandiko jolongaze? Abrahamu kamtamanila Mulungu, kileka yapetigwe kamba mwene ihoko.