Popular Bible Verses from Kolɔsainima 3

Share

ka sɔŋmiya taba. Yi ni so yi mali yɛli shɛli ni o kpee, yin’ chɛliya tab’ taali paŋ taba; di niŋ kamaata ni yi chɛri yi tab’ taali paŋdi ba kaman ti Duuma ni daa chɛ m-paŋ yi gba shɛm la.

Chɛliya ka yi suhuri kul yɛla binshɛŋa din be nimaani zuɣu, ka pa ni binshɛŋa din be dunia ŋɔ ni zuɣu.

Ka yi ni tumdi binshɛɣukam zaa tiri ba puuni, tummiya li ni yi suhuri zaa kaman ti Duuma ka yi tumdi li tiri la, ka pa ni ninsalinim’ ka yi tumdi li tira.

Yi nyɛla Naawuni ninvuɣ’ gahindi’ shɛb’ o ni yu ka pii leeg’ omaŋmaŋ’ niriba. Dinzuɣu di niŋ kamaata ni yi zaŋ nambɔzɔbo mini nirilim niŋbu ni maŋsiɣisibutali ni tarimtali ni suɣilɔdibo kpɛhi yi tɛr’ ni

Chɛliya ka Masia yɛligu ba jila yi suhuri ni pam. Wuhimiya taba ka kpammiya tab’ jaande yɛm zaa puuni, ka zaŋmiya adiini yila mini Naawuni paɣibu yila ni Yila litaafi ni yila n-yiini paɣiri Naawuni yi suhuri ni. Dinzuɣu yi ni niŋdi shɛlikam zaa puuni, di yi nyɛ yɛtɔɣa ni bee tuma ni, yin’ niŋmiya di zaa ti Duuma Yisa yuli ni, ka paɣimiya ti Ba Naawuni o zuɣu.

Ka din gari shɛlikam zaa nyɛla, zaŋmiya yurilim din lɔri binshɛɣukam laɣindi taba ka di leeri zaɣ’ yin’ la pahi dimbɔŋɔnim’ zaa zuɣu.

Dinzuɣu yi mini Masia ni laɣim neei kum ni la zuɣu, bomiyala binshɛŋa din be alizanda ni Masia ni ʒi Naawuni nudirigu polo luɣ’ shɛl’ la.

Chɛliya ka Masia ni zaŋ suhudo’ shɛli tin ya la su yi suhuri, dama suhudoo maa zuɣu ka Naawuni daa boli ya n-laɣim ya niŋgbun yin’ la ni. Ka paɣimiya Naawuni.

Dinzuɣu di niŋ kamaata ni yi ku dunia ŋɔ ni kɔr’ biɛri din be yi ni la. Dina n-nyɛ: Zina niŋbu mini daɣiri tuma ni niŋgbuŋ kɔre ni tɛhi’ biɛri ni binyara ni kɔre kpɛbu la. Binyara ni kɔre kpɛbu ŋmanila buɣijɛmbo.

Dama yi kpimi ka yi nyɛviya pahi Masia zuɣu n-sɔɣi Naawuni ni.

Amaa pumpɔŋɔ yihimiya dimbɔŋɔnim’ zaa yi tɛr’ ni bahi. Dina n-nyɛ: Sujee mini suhuyiɣisili ni biɛr’ biɛɣu. Ka di chɛliya ka turi mini yɛtɔɣ’ yoya yiri yi noya ni na.

Yi mi di ŋmariya tab’ ʒiri, dama yi pun yihi biɛr’ kurili la mini di miligu yɛla bahi, ka yipa zaŋla biɛr’ palli kpɛhi yi ni, Dina n-nyɛ: Biɛr’ pal’ shɛli Naawuni ŋun nyɛ di namda la ni zaŋd’ omaŋmaŋ’ ŋmahinli n-kul lɛbigiri li zaɣ’ palli ni di chɛ ka yi baŋ ŋun’ Naawuni la.

Yidaannima, yumiya yi paɣiba, ka di yihiriya ba hal’ biɛɣu.

Bihi, deemiya yi banim’ mini yi manim’ noya binshɛɣukam zaa ni, dama dina n-tiɣiri ti Duuma nini.

Yidaampaɣiba, zaŋmiya yimaŋ’ ti yi yidaannima kaman di ni simdi shɛm ti Duuma sani.