Popular Bible Verses from Kolɔsainima 2

Share

Yi ni deei Yisa Masia n-leei yi Duuma la zuɣu, chɛliya ka yi min’ o laɣim be. Chɛliya ka yi nyaɣa kpe o ni m-ba n-zani kaman tia la. Ka me yimaŋ’ tam o zuɣu, ka ʒe viɛnyɛliŋga yi yɛda niŋbu puuni kaman bɛ ni daa pun wuhi ya shɛm la. Ka chɛliya ka wumpaɣibo pali yi suhuri hal nti puuri bahira.

Di chɛliya ka so zaŋ ninsalinim’ yɛm mini yɛtɔɣ’ yoya din yi ninsalinim’ kaya yɛla ni na, ka pa Masia din’ la yɔhim ya n-zaŋ ya leei alizinnim’ bɛn su dunia ŋɔ yɛliniŋda fukumsi la daba.

Saha shɛli din gari la ha puuni, yi daa nyɛla kpiimba yi daalahichi tumbu mini yi ni pa bɛn doli gunibu kali sol’ la zuɣu. Amaa ka Naawuni neei yi mini Masia kum ni pumpɔŋɔ, ka chɛ ti daalahichi zaa paŋ ti. Ka daa lan kpihim zaligu shɛli din mini di soya daa galindi ti ka kul nyari ti taali la n-daa zaŋ li kpahi tabili dapulli zuɣu n-yihi li zaa bahi.

Dama Naawunitali biɛhigu zaa be Masia daadamtali niŋgbuŋ ni, ka yi gba deei nyɛvili maŋli o sani, yi mini Masia ni laɣim nyɛ zaɣ’ yin’ la zuɣu. Ŋuna n-nyɛ ŋun gari alizinnim’ bɛn nyɛ zuɣulaannim’ mini bɛn su fukumsi zaa.

Dinzuɣu miriya ka yi chɛ ka so zali ya zaligunima zaŋ chaŋ yi ni ni di shɛli bee n-nyu shɛli polo bee zaŋ chaŋ dabisi’ kasi shɛŋa mini gol’ palli chuɣu puhibu ni Vuhim Dabisili kaya dolibu polo. Dimbɔŋɔnim’ zaa nyɛla din ti yɛn kana la shilinshia, amaa din nyɛ yɛlimaŋli m-be Masia ni la yipa paana.