Popular Bible Verses from KOLOSE 3

Share

pakhat le pakhat karlakah sawinâk le ralchanhnâk bia nan ngeih ahcun lung sau tein i ngaithiam u, Krih nih an ngaihthiam hna bangin nan i ngaithiam hrimhrim awk a si.

Cunglei thil ah nan ruahnâk chia u law, leicung thil ah hin chia hlah u.

Cun nan tuahmi thil vialte ah, minung caah ṭuan men si loin Bawipa ca i a tuahmi bantukin lungtho tein tuah u.

Cucaah Pathian thimmi, a thiangmi le dawtmi nan si bangin velngeihnâk, zângfahnâk, toidornâk, nunnemnâk le lungsaunâk in i thuam u

Krih bia cu fimnâk phunkip he nanmah ah khat ko seh, biazâi le hla, thlarau lei hla hna in i cawm changin i cawnpiak u law, Bawipa sinah nan lungthin in zângfahnâk he hla sa u. Bia in siseh, tuahsernâk in siseh, nan tuahmi thil kipah Bawipa Jesuh min in tuah dih u law, Amah thawngin Pa Pathian sinah lawmhnâk bia chim u.

Cu thil vialte hna cungah dawtnâk i hruk u, cucu pumkhat sinâk i funtomnâk tlamtling a si.

Krih sinah thawhter nan si ahcun cunglei Pathian orhlei ah a ṭhumi Krih umnâk i a ummi thil hna khi kawl u.

Cun Pathian daihnâk nih nan lungthin kha uk ko seh, cubantuk i um dingin pum pakhat ah kawh nan si, cun â lawmmi si u.

Cucaah nan lei taksa ṭengnge nupa sualnâk, thûrhnawmhnâk, hornâk, duhnâk sual le hakkauhnâk, (cucu milem biaknâk a si)hna kha that hna u.

Zeitintiah nan thi cang i nan nunnâk cu Krih he Pathian ah thuh a si.

Asinain atu cu nanmah ah thinhunnâk, thinhânnâk, huatnâk, thangchiatnâk le nan hmurkâ chuak fih a nungmi bia hi hlawnh hna u.

Minung hlun cu a tuahsernâk he nan phoih cang bangkhan, lih i chim ti hlah u, zeitintiah hngalhnâk tling ngei ding le a sertu muisâm lo dingin tharchuah i a um cuahmah mi minung tharin nan i thuam cang.

Va le hna nan nupi le daw hna u law, an sinah chia-khâ tuk hlah u.

Ngakchia hna, zeizong vialte ah nan nu le nan pa nawl ngai hna u

Nupi le hna Bawipa mi sinâk he â tlak bangin nan vale sinah i pe u.