Popular Bible Verses from KOLOSE 2

Share

Cucaah Bawipa Krih Jesuh cu nan cohlân cang bangin Amah ah um peng u, Amah ah hrambunh in sakmi si u law, zumhnâk ah a fekmi si uh, cawnpiak nan rak si cang bangin lawmhnâk bia tampi in chim uh.

I ralring u, culoahcun mi zeimaw nih Krih cawnpiakning si loin, fimnâk le pakpalawng hlennâk le, minung hna i chanhchinmi phung le vawlei phunghram men in hlen nan si sual lai.

Cun nannih nan sualnâk le taksa in cuarpartan lomi nan si ruangah a thimi nan si lio ah Amah sinah an nunter hna, kan sualnâk vialte a kan ngaihthiam i kan leiba ṭialnâk câ, nawlpêk in ṭialmi, a kan ralchantu le dawnkhântu kha a hrawh cang, cucu vailam ah khenhchih in lo diam a lâk cang.

Zeitintiah Amah ah Pathian tlamtlinnâk vialte cu pumsa lei in a um; Cun Amah ah tlam nan tling, Amah cu bawinâk le nawlngeihnâk vialte lu a si.

Cuticun ei le din kongah siseh, thô kongah siseh, thlathar kongah siseh, sabbath kongah siseh ahohmanh nih bia in ceih hna hlah seh. Cu hna cu a um laimi muithlâm men an si i a taktak cu Krih ta a si.