Popular Bible Verses from Roma 3

Share

yaga bemât mwa ba ga ra banɛn, ko yɛn a radɛ hɛn nà wul gbɔng nerey de Dagwi e nɔngɔs. Ko Dagwi a ga dura a yɛn nerat mɛ e nɔrɔ; yi ano, a ga tɛ̀ ɛn cik e bayis mɛ. A ga ra ano yi na Kristi Yɛsu de a vibis hɛn.

Gwong a gwomo ngan: Dagwi e tɛ̀sɛ bemat be sè cik e bayis mɛ yi na sêy tsak o na Yɛsu Kristi. E ragas ano yaga mwa vemo de ba sey tsak o na Kristi. E ragas ano arɔng sana dura kasâ bemat behak

Dagwi a nára Kristi mo sede nɔrɔ̂ yas de be yɛt, yaga na a tɛ́ ɛ gwong de gwo tɛ̀ be tɔk hàla a bemat banɛn. A tɛ́ ɛ gwong o yi e shushû nemi mɛ e jeng reku; ko be hàla a bemat banɛn, ka sede yɛn a sey tsak o na yɛ. Dagwi a ra ano, na a dura a bemat, yɛ e gas badu e tē. Yaga raane, à kana niri, ko à hàla nà tabak hɛn yaga banɛn de yɛn à kana ra gyam. Ko e jeng yemo, a ga yong gwông halsa a bemat banɛn, yaga na a dura a bemat mɛ̀, e gas badu e tē. Yi ano, Dagwi e to dura, yɛ pyɛ mɛ a sé cik, ko e tɛ̀sɛ mwa bemat de ba sey tsak o na Yɛsu cik e bayis mɛ.

Yaga vit a mwat de a sé cik e bayîs Dagwi yi na gyeng Badu. Ko pyɛ de Badu mo be ra ya sé ngan: Be tɛ̀ bemat be tɔk, ba ga ra banɛn.

Sede remo de bà jɛk e Bwok-basa Dagwi wɔgɔ, “Vit a mwat ko gwining de a sé cik e bayîs Dagwi, vit a mwat de a tɔk pyɛ cak ryat, vit a mwat de e jāma na a sè na Dagwi. Mwa hɛn ba ga doyo yi e gwông Dagwi, ko mwa hɛn ba ga tɛ́ ɛn yapyi. Vit a mwat ko gwining de e ra pyɛ́ ryat.

Yaga wot e di, mwat e sè cik e bayîs Dagwi yi na sêy tsak o zɔng, ko a sé yi na gyeng Badu wɛt.

Tyɔng tyɔng wɛt! Dagwi e dopse ha tsak há zɔng, mwa ano de kawɛ mwat e ha bɔs. Sede remo de bà jɛk e Bwok-basa Dagwi wɔgɔ, “Kayɛ jeng de hwó hanat, ba rɔda di wɛshɛrɛk, neha mō na sé cik. Ko kayɛ jeng de ba rɔda tɛ̀ sekun mō, hwà rɔda dopse di wɛng e ra yɛn.”