Popular Bible Verses from Roma 2

Share

Ko hwo, hwó yɛt a yɛn shɔt, mwa ano de hwó ra pyɛ́ yerê yane mo arɔng. A sé a hwo, hwà rɔda hywit o shɔt Dagwi arɛt? Kɛ rɔ̌ hwô byɛnɛng nepyak nerat mɛ na gbɔng niri mɛ arɛt? Hwà tɔk wɛt a? Dagwi a vɔk nerat, yaga yɛ e simo nɔng o gwong, na hwo doyo yi e banɛn mō.

Ano kwong, à hwo mwat de hwó yɛt a bemín shɔt, hwà rɔda tɔk ra cuna e ra pyɛ cak wɛt. Jeng de hwó ra a bemín shɔt, hwà sé gang tó mo na shɔt arɔng, yaga hwo de hwó yɛt shɔt o hwó ra pyɛ́ yane mo arɔng.

Yaga Dagwi e dura kasâ bemat wɛt.

Yaga a sé e vemo de be wok Badu zɔng wɛt de ba sé cik e bayîs Dagwi. Ko a sé e vemo de be gyenges Badu, de Dagwi a rɔda ba dura, yɛn a sé cik e bayis mɛ.

Dagwi a rɔda ba tala kawɛ mwat tyɛng na pyɛ de a ga kana ra.

Ko mwa vemo de be simo bato mɛn zɔng, vemo de ba kyɛ́ ɛn tsak há na yɛn a raa neves, Dagwi a rɔda tɛ̀ gbɔng shom mɛ e ra yɛn.

Ko yey mō ya sé gbarak, ko hwó to simo hwo doyo yi e banɛn mō wɛt. Yi e negwɔn mō mo, hwà sé tula gbɔng tabak e ra to mo vɔk e jeng de Dagwi a rɔda ba dura shom mɛ. Jeng a yane de Dagwi a rɔda ba dura wɛshɛrɛk shom mɛ de ya sé cik.