Popular Bible Verses from Roma 4

Share

Ko mwa ano, à hàla sêy tsak o mɛ wɛt, ko a tó yey e ra pyɛ de Dagwi à kana sira a yɛ e ra yɛ wɛt. Ko sêy tsak o mɛ ha gwɛ̌ a yɛ gap, ko à nɔ̂ng Dagwi nerey. À tó yey ko tyɔng wɛt, Dagwi a vɔk reto na a ra pyɛ de a ga kana sira e ra yɛ.

sede remo de bà jɛk e Bwok-basa Dagwi wɔgɔ, “Ma ga tɛ̀ o na hwo sè dâ yére bemât jey pyak.” Ko Abraham a sé da mot e bayîs Dagwi, yɛ de Abraham à sey tsak o na yɛ, yɛ de e nɔngɔ̂s bavîn bemat neken, ko e to yila pyɛ́ de ya kana sɛ́ wɛt na ye sɛ̀ a remo.

Bá kana nára hɛ na a ku yaga banɛn mot, ko bá to sene hɛ na neken, yaga na wot a bin sè cik e bayîs Dagwi.

Abraham à sey tsak o, ko à sɛt yey e ra pyɛ̂ Dagwi, mwa ano de jeng de yà sè naka na a sɛt yey e ra yɛ̄ yà ga kwey. Ko yaga à ra ano, Dagwi à tɛ̀ ɛ a sè dâ yére bemât jey pyak, sede remo de à kana ha a yɛ, “Yére mō ya rɔda ba sè pyak ano.”

Yaga ano, Dagwi a sira e ra pyɛ yane mo, yaga Abraham à sey tsak o na yɛ. Hemo ha té ano, yaga na pyɛ de Dagwi a sira e ra yɛ mo ye sè e nɔrɔ, na he to sè pyɛ de ba ga yong yɛ gak yaga mwa yére Abraham. Ya sé yaga vemo de be gyeng Badu zɔng wɛt, ko ya sé yaga vemo mwa de ba sey tsak o sede Abraham. E yɛ wɛ de a sé da mot mwa

“Vê yey pyɛng a vemo de ba ga hàla a yɛn banɛn mɛn, vemo de ba ga fugut banɛn mɛn arɔng! Wo yey pyɛng a womo de Dagwi a rɔda to bare na banɛn de a ga kana ra wɛt!”

yaga bà jɛk e Bwok-basa Dagwi wɔgɔ, “Abraham à sey tsak o na Dagwi, ko yi na sêy tsak o mɛ mo, Dagwi à jut ɛ, à sè cik e bayis mɛ.”