Popular Bible Verses from Abakolosai 3

Share

nimugumisiririzana; kandi ku haraabe hariho oine eki arikufa na mugyenzi we, musaasirane; nk'oku Mukama yaabasaasiire, mube nikwo mwatwaza.

Mute omutima aha by'omu iguru, murekye eby'omu nsi

Kyona eki muraakore, mukikore mwihere aha mutima, nk'abarikukorera Mukama, kunu ti bantu

N'ahabw'ekyo nk'oku muri abaatoorainwe Ruhanga, abarikwera kandi abarikukundwa, mujware omutima gw'esaasi, embabazi, okutwaza gye, obucureezi, n'okugumisiriza

Ekigambo kya Kristo kigume omuriimwe kikanye, mwegyesane, muhanane omu bwengye burungi bwona, nimweshongorera Ruhanga zaaburi n'ebyeshongoro n'eibyevugo by'Omwoyo, nimumuhimbisa omu mitima yaanyu. Kandi eki muraagambe kyona, n'eki muraakore kyona, byona mubikore omu iziina rya Mukama waitu Yesu, nimusiima Ruhanga Isheboona omuriwe.

Kandi okwongyera ahari ebyo byona mujware okukunda, nikwo kukomerana byona bikakwatanisiza kimwe.

Mbwenu nu ku muraabe mwazoirwe na Kristo, musherure ebiri omu iguru, ei Kristo atuura, ashutami aha rubaju rwa buryo rwa Ruhanga.

Kandi obusingye bwa Kristo obu mwayeteirwe nk'engingo z'omubiri gumwe, butegyekye omu mitima yaanyu. Kandi mube abarikusiima.

N'ahabw'ekyo mwite eby'ensi ebiri omu ngingo zaanyu, obushambani, ebihagaro, okurigira okubi, okwetenga okubi, kandi n'okwetenga, nikwo kuramya ebishushani.

ahakuba mukafa, kandi amagara gaanyu gasherekirwe na Kristo omuri Ruhanga.

Kwonka hati mbwenu murekye n'ebi byona, okuguubwa kubi, ekiniga, eitima, n'okujumiirana, kandi omu kanwa kaanyu hatarirugamu ebigambo ebirikwitsa enshoni.

Mutaribeihana, ahakuba mukajuura omuntu owa ira n'emitwarize ye, mwajwara omuntu omusya, ohindurwa musya obutoosha omu bwengye kushushanisibwa n'Owamuhangire.

Imwe abashaija, mukunde abakazi baanyu, murekye kubaitsa omwaga.

Imwe abaana, mworobere abazaire baanyu omuri byona; ahakuba ekyo nikyo kishemeza Mukama.

Imwe abakazi, mworobere baabaroimwe nk'oku kishemereire omuri Mukama.