Popular Bible Verses from Abakolosai 2

Share

N'ahabw'ekyo, nk'oku mwayakiire Kristo Yesu Mukama, mube nikwo mwagyendera mutyo omuriwe, mutsimbire emizi omuriwe, mwombekirwe omuriwe, kandi muhamiibwe omu kwikiriza, nk'oku mwayegyesiibwe, kandi muhingurane omu kusiima.

Mwerinde, hatagira omuntu owaabanyagisa obwengye bw'abantu n'oburyarya obutaine mugasho, omu kukuratira emigyenzo y'abantu, n'okukuratira eby'okubanza eby'omu nsi egi, okutakuratira Kristo.

Naimwe, abaabaire bafeereire omu by'okushiisha byanyu n'omu kutasharwa kw'emibiri yaanyu, Ruhanga kabahindura abahuriire hamwe nawe, ku yaaherize kutusaasira eby'okushiisha byaitu byona, yaaragaza ebihandiikirwe aha rupapura, ebyabaire nibitwomesereza nibiturega, yaarwihaho, yaarubamba aha musharaba

Ahakuba omuriwe harimu Obwaruhanga bwona obureeberwa omu mubiri gwe; kandi naimwe mwine amagara agahikire omuriwe, niwe Mutwe gw'obutegyeki bwona n'obushoboorozi bwona.

N'ahabw'ekyo hatarigira omuntu owaabacwera orubanja ahabw'eby'okurya nari eby'okunywa, nari eby'obugyenyi, nari eby'okuboneka kw'okwezi, nari sabato. Ebyo n'ekishushani ky'ebiriija, kwonka amazima gaabyo gari omuri Kristo.