Abakolosai 3

Ebishemereire abazookire na Kristo

1 # Kol 2:12. Mbwenu nu ku muraabe mwazoirwe na Kristo, musherure ebiri omu iguru, ei Kristo atuura, ashutami aha rubaju rwa buryo rwa Ruhanga. 2#Mat 6:33. Mute omutima aha by'omu iguru, murekye eby'omu nsi; 3ahakuba mukafa, kandi amagara gaanyu gasherekirwe na Kristo omuri Ruhanga. 4#Fil 1:21. Kristo amagara gaitu ku ariboneka, naimwe muryareebwa muri hamwe nawe omu kitiinisa.

5 # Rom 8:13. N'ahabw'ekyo mwite eby'ensi ebiri omu ngingo zaanyu, obushambani, ebihagaro, okurigira okubi, okwetenga okubi, kandi n'okwetenga, nikwo kuramya ebishushani. 6#Efe 5:6. Ebyo nibyo bireeta ekiniga kya Ruhanga aha batarikuhurira, 7kandi naimwe mukaba mubigyenderamu, obu mwabaire mukibirimu. 8#Efe 4:25-31; 5:4. Kwonka hati mbwenu murekye n'ebi byona, okuguubwa kubi, ekiniga, eitima, n'okujumiirana, kandi omu kanwa kaanyu hatarirugamu ebigambo ebirikwitsa enshoni. 9Mutaribeihana, ahakuba mukajuura omuntu owa ira n'emitwarize ye, 10#Efe 4:24. mwajwara omuntu omusya, ohindurwa musya obutoosha omu bwengye kushushanisibwa n'Owamuhangire. 11#Gal 3:28. Aho tihariho Mugiriika n'obuyaakuba n'Omuyudaaya, oshazirwe n'otashazirwe, omunyamahanga, #3:11 N'eiziina ry'amahanga mabisi. n'Omusikuusi, omuhuuku n'ow'obusingye, kureka Kristo ni byona, kandi ari omuri boona. 12#Efe 4:2, 32. N'ahabw'ekyo nk'oku muri abaatoorainwe Ruhanga, abarikwera kandi abarikukundwa, mujware omutima gw'esaasi, embabazi, okutwaza gye, obucureezi, n'okugumisiriza, 13nimugumisiririzana; kandi ku haraabe hariho oine eki arikufa na mugyenzi we, musaasirane; nk'oku Mukama yaabasaasiire, mube nikwo mwatwaza. 14#Rom 13:8, 10. Kandi okwongyera ahari ebyo byona mujware okukunda, nikwo kukomerana byona bikakwatanisiza kimwe. 15#Fil 4:7. Kandi obusingye bwa Kristo obu mwayeteirwe nk'engingo z'omubiri gumwe, butegyekye omu mitima yaanyu. Kandi mube abarikusiima. 16Ekigambo kya Kristo kigume omuriimwe kikanye, mwegyesane, muhanane omu bwengye burungi bwona, nimweshongorera Ruhanga zaaburi n'ebyeshongoro n'eibyevugo by'Omwoyo, nimumuhimbisa omu mitima yaanyu. 17Kandi eki muraagambe kyona, n'eki muraakore kyona, byona mubikore omu iziina rya Mukama waitu Yesu, nimusiima Ruhanga Isheboona omuriwe.

Emitwarize mirungi ey'amaka

18 # Efe 5:22—6:9. Imwe abakazi, mworobere baabaroimwe nk'oku kishemereire omuri Mukama. 19#1 Pet 3:7. Imwe abashaija, mukunde abakazi baanyu, murekye kubaitsa omwaga. 20Imwe abaana, mworobere abazaire baanyu omuri byona; ahakuba ekyo nikyo kishemeza Mukama. 21Imwe baishebo, mutagwisa kubi abaana baanyu, barekye kuhahaara emitima. 22Imwe abahuuku, omuri byona mworobere bakama baanyu ab'omu nsi, mutabakorera ahabw'okureebwa nk'abarikwenda kusiimwa abantu, kureka mubakorere n'omutima ogutaine buryarya, nimutiina Mukama. 23Kyona eki muraakore, mukikore mwihere aha mutima, nk'abarikukorera Mukama, kunu ti bantu; 24nimumanya ngu Mukama niwe aribaha obuhunguzi, nibyo bihembo byanyu; ahakuba nimukorera Mukama waitu Kristo; 25ahakuba orikukora kubi aryaihurwa ahabw'ekibi eki yaakozire; kandi Mukama tashoroora mu bantu.

Currently Selected:

Abakolosai 3: RR64

Highlight

Copy

Compare