Popular Bible Verses from Isaaya 42

Share

Nze Mukama nakuyita mu butuukirivu, ndikukwata ku mukono era nnaakukuumanga, ne nkuwa okubanga endagaano y'abantu, okubanga omusana eri ab'amawanga; okuzibula amaaso g'abazibe b'amaaso, okuggya abasibe mu bunnya, n'abo abatuula mu kizikiza mu nnyumba ey'ekkomera.

Nze Mukama; eryo lye linnya lyange; n'ekitiibwa kyange sirikiwa mulala, newakubadde ettendo lyange eri ebifaananyi ebyole.

Laba omuweereza wange gwe mpanirira; omulonde wange obulamu bwange gwe busanyukira; ntadde omwoyo gwange ku ye; alireeta obwenkanya eri amawanga.

Olumuli olubetentefu talirumenya so n'enfuuzi ezinyooka talizizikiza, mu bwesigwa alireeta obwenkanya. Taliremererwa oba okuggwamu essuubi okutuusa lw'alisaawo obwenkanya mu nsi; n'ebizinga biririndirira amateeka ge.

Era ndikulembera abazibe b'amaaso mu kkubo lye batamanyi; mu mpitiro ze batamanyi mwe ndibayisa; ndifuula ekizikiza okuba omusana mu maaso gaabwe, n'ebifo ebikyamu ndibigolola. Ebyo ndibikola so siribaleka.

Laba, ebyasooka okubaawo bituuse, n'ebiggya mbibuulira; nga tebinnaba kulabika mbibabuulira.