Popular Bible Verses from Isaaya 43

Share

Laba, nkola ekintu ekiggya; kaakano kitandise okulabika, temukiraba? ndikuba oluguudo ne mu lukoola, ne ndeeta emigga mu ddungu.

Bw'onooyitanga mu mazzi, nnaabeeranga naawe; ne mu migga, tegirikusaanyawo; bw'onootambulanga okuyita mu muliro, toosiriirenga; so n'omuliro tegulyakira ku ggwe.

nti Temujjukira ebyasooka okubaawo, so temulowooza bigambo bya dda.

Naye kaakano bw'atyo bw'ayogera Mukama eyakutonda, ggwe Yakobo, era eyakubumba, ggwe Isiraeri, nti, “Totya, kubanga nkununudde, nakuyita erinnya lyo, oli wange.

Kubanga wali wa muwendo mungi mu maaso gange, era wa kitiibwa, nange nnakwagala; kyendiva mpaayo abasajja ku lulwo n'amawanga ku lw'obulamu bwo.

Kubanga nze ndi Mukama Katonda wo, Omutukuvu wa Isiraeri, omulokozi wo; n'awaayo Misiri okuba ekinunulo kyo, Kuusi ne Seba ku lulwo.

Totya; kubanga nze ndi wamu naawe; ndireeta ezzadde lyo okuliggya ebuvanjuba ne nkukuŋŋaanya okuva ebugwanjuba

Nze, nze mwene, nze nzuuyo asangula ebyonoono byo ku lwange nze; so sirijjukira bibi byo.

Mmwe muli bajulirwa bange, bw'ayogera Mukama, n'omuweereza wange gwe nnalonda; mulyoke mumanye munzikirize mutegeere nga nze nzuuyo; tewali Katonda eyabumbibwa okusooka nze, so tewaliba alinziririra.

Nze, nze mwene, nze Mukama; so tewali mulokozi wabula nze.

Weewaawo, okuva mu nnaku ez'edda, Nze nzuuyo; so tewali ayinza okuwonya omuntu mu mukono gwange; Bwe nkola omulimu, ani okuguziyiza?

Ensolo ez'omu nsiko zirinzisaamu ekitiibwa, ebibe ne bamaaya; kubanga ngaba amazzi mu lukoola n'emigga mu ddungu, okunywesa abantu bange, abalonde bange; abantu be nneebumbira nzekka boolesenga ettendo lyange.

ndigamba obukiikakkono nti, Waayo b'olina; n'obukiikaddyo nti, Tobagaanira; leeta batabani bange okuva ewala ne bawala bange okuva ku nkomerero y'ensi; buli muntu eyatuumibwa erinnya lyange era gwe nnatondera ekitiibwa kyange; gwe nnabumba, gwe nnatonda.”

Bw'atyo bw'ayogera Mukama, akuba oluguudo mu nnyanja n'ekkubo mu mazzi ag'amaanyi; afulumya eggaali n'embalaasi, eggye n'obuyinza; bagalamira wamu, tebaligolokoka; bazikiridde, bazikidde ng'enfuuzi

Nze ndi Mukama, Omutukuvu wammwe, Omutonzi wa Isiraeri, Kabaka wammwe.