Popular Bible Verses from Isaaya 41

Share

totya, kubanga nze ndi wamu naawe; tokeŋŋentererwa, kubanga nze Katonda wo, nnaakuwanga amaanyi; weewaawo, nnaakuyambanga; weewaawo, nnaakuwaniriranga n'omukono ogwa ddyo ogw'obutuukirivu bwange.

Kubanga nze Mukama Katonda wo nnaakwatanga ku mukono gwo ogwa ddyo nga nkugamba nti, Totya; nze nnaakuyambanga.

Laba, abo bonna abakusunguwalidde balikwatibwa ensonyi baliswazibwa; abo abawakana naawe baliba nga si kintu era balibula.

gwe nnakwatako okuva ku nkomerero z'ensi ne nkuyita okukuggya mu nsonda zaayo, ne nkugamba nti, “ Ggwe muddu wange, nnakulonda so sikusuulanga

Olibanoonya so tolibalaba abo abakuziyiza; abo abaakuwanyisanga baliggwaamu ensa.

Totya, ggwe olusiriŋŋanyi Yakobo, nammwe abasajja ba Isiraeri; nze nnaakuyambanga, bw'ayogera Mukama, era Omutukuvu wa Isiraeri ye mununuzi wo.

Naye ggwe, Isiraeri, omuddu wange, Yakobo gwe nnalonda, ezzadde lya Ibulayimu mukwano gwange

Ndizibikula emigga ku busozi obutaliko kantu, n'ensulo wakati mu biwonvu; ndifuula olukoola ekidiba ky'amazzi, n'ettaka ekkalu okuba enzizi z'amazzi.

Abaavu n'abatalina kintu banoonya amazzi so nga tewali, olulimi lwabwe ne lulakasira; nze Mukama ndibaddamu, nze Katonda wa Isiraeri siribaleka.

Ani eyakireeta eyakikola, ng'ayita emirembe okuva ku lubereberye? Nze Mukama ow'olubereberye era ow'enkomerero, nze wuuyo.

Ndisimba mu lukoola omuvule n'omusita n'omumwanyi n'omuzeyituuni; nditeeka mu ddungu enfugo n'omuyovu ne namukago wamu; balabe, bamanye, balowooze, bategeere wamu ng'omukono gwa Mukama gwe gukoze kino, era nga Omutukuvu wa Isiraeri ye akitonze.