Popular Bible Verses from Hebreea 13

Share

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

Mɛɛ Yeesu Krista va cɛi yɛ, lende koni o co hau ni, lende vɛlɛ koni o vanin le fɛɛn a fɛɛn ni.

Lelan n tiwba mì n dimi a laalanndo aa: «Mɛlɛka co vana co ya malaa-o ni, siòòŋii co ya a ɲɛ-ɲɛ le. Yɛɛ vanndacieea nɔla yɛ ya yɔŋ?»

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

N solulun Hala sálàlan o ndu sangalaa nin, condon ndu solullo o diola Yeesulan pɛɛn.

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

La pɔɛɛnun le mialla biyɔɔ le, kani o mialla biyɔɔ vanaa pum a yiya mɛlɛkaa ni, a ve sina le.

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo. Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!