Popular Bible Verses from Hebreea 12

Share

Seiya balu naa sɛ́lɔ́ɔ́, lelan n viòwnún ɲɛ co naa kuunaa kɔlan-ndo a haki simbulun naa-o, mì n ɲaanun háá o kilta naalan mɛɛlulan. N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Sanga oo sanga nda tuisi pɛ vanndo coo le tɛɛmbuu ndɔɔ, o telen kon bɛngu, kɔllo vana kon tambu ni, vana niŋ kɔl te. Kɛ o kon kɔɔli, vana kon sɔla kɔlɲuloo, o tosa dɛnɛ sandaa.

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

La yiyan ndɔ, mí vanaa lahakia simul ndu. Kɛ mó biwnun. Lelan, la vu n'dial te.

Lelan, le mɛɛ naa n sɔlanin masale hiilunnin te len yɛ, n sinàn kɛndɛi mì n melnun Hala balika, mì n tosalan ndu baalaa mɛɛ hɛnan ndɔɔ co yɛ, o siòònde a o ndu vou nin.

La biwnun sangaa, le niaa silaa ni. Maa cuavaa ndɔ Hala co niaa biyɔɔ ni. Kani ɔ́ɔ̀ hɔ́ɔ́ fuɲa ndɔ saangiaa le tɛɛmbuu ndɔɔ loo?

Kani yinnde tɛɛmbua len Hala naa co ni.

Fuɲaa naa nda, le telen bingi koni ndáà saangiaa naa le tɛɛmbuu naa ni, a va yiyanndo maa lende ndóò naŋ ni. Kɛ Hala ndu, le naŋɔɔ naa o saangiaa naa le tɛɛmbuula naalan ni, haliko mi naa bɛɛ n dendu maa ndu.

Kani la simul-lɔ hakio háá piɔ́mndo le.