Popular Bible Verses from Nsaki 1

Share

Puapilɛa nia, la cɔ̀ tɔɔndannda niaa co keiyo nin-ndan kpow maa dɛnɛ kɔlkɛndɛ bɛndu, mì la sínà maa tɔɔndan niaa kɔlɔɔ solio, ndu koam biuvɔnndo ni.

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Puapilɛa nia hɛnan ya-a, la sinà pɛɛngu maa vanaciee oo vanaciee bɛnda mò keleŋa tueyɔɔ, kɛ o keleŋa isɔɔ le, o yala kɔl tuulu le.

Kɛ fɔ mì biuvɔnndo siow baala ndɔɔ peelu kpow, haliko mi la peelun, mì la tiwnun, o kon ɲɛ-ɲɛ ve niaa lepɛŋ te.

La va vanaa biyaa isɔɔa, la vá vanaa yaŋnannda daama le. Te la yaŋnun pɛ daama, mɛɛ niaa pila co huinɔnndo ni.

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Kani te vanndo va pɛ sɔɛi yaŋnɔnndo daama, kɛ mò ve ndi biyɔɔ le, ndu co ko maa langbanɔ tofán o tofanndo nin-ndo. Mɛɛ o cii tofan, mó kɔannun, mó kɔ pɔɛɛnun dɔ́ɔ́ mɛɛ o va yɛ.

Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.

Te tɔɔndanndo komal pɛ vanndo, o dimi le dɔ́ɔ́ aa: «Hala co ya tɔɔndanndo nuaa ni». Kani vana tɔɔndan Hala le dɛnɛ vɔɔndo tosaa le, Hala pila bɛɛ tɔɔndan vana le. Kɛ letùú yeemɛi co vana-vana biyɔɔ, mì i va naa dɛɛniaa-o tɔɔndanndan la co naa komallo ni.

Puapilɛ tuisin taw-vo bɛnda mò dɔwnun ɲaale le heelu Hala heelunin ndu-o