Popular Bible Verses from Kolosé 3

Share

pea ka ai ha taha ‘oku ne kovi‘ia ‘i ha taha ‘i ha me‘a, ke mou fekātaki‘aki pē mo fefakamolemole‘aki; ‘io, ‘o hangē foki ne fakamolemole kimoutolu ‘e he ‘Eiki, ke pehē pē mo kimoutolu.

Ke hu‘u ho‘omou tokanga ki he ngaahi me‘a ‘o ‘olunga, ‘o ‘ikai ki he ngaahi me‘a ‘oku ‘i māmani

‘Ilonga ha me‘a te mou fai, ngāue fie ngāue ki ai, he ko e ngāue ki he ‘Eiki, ‘o ‘ikai ki he kakai

Ko ia, ke mou fai ‘o taau mo e kau fili ‘e he ‘Otua, ‘a ia ‘oku tapu mo ‘ofeina ‘o mou ‘ai; ‘a e fatu ‘oku langa ‘i he fai meesi mo e anga‘ofa mo e faka‘aki‘akimui mo e anga kātaki mo e anga mokomoko

Ke mātu‘aki nofo‘ia kimoutolu ‘e he folofola ‘a Kalaisi, ‘o tu‘u ‘i he fa‘ahinga poto kotoa pē: ‘o mou fefai‘aki homou akonekina mo e valoki ‘aki ‘a e ngaahi Saame, mo e ngaahi himi, mo e ngaahi hiva fakalaumālie, ‘o fai fakakelesi pē, mo mou hiva ‘i homou loto ki he ‘Eiki. Pea neongo pe ko e hā ha me‘a te mou fai, ha lea, pe ha ngaue, mou fai kotoa pē ‘i he huafa ‘o e ‘Eiki ko Sīsū, mo mou fakafeta‘i ‘iate ia ki he ‘Otua ko e Tamai.

Pea mou kofu tu‘a ‘aki ‘a e ngaahi me‘a ko ia kātoa ‘a e ‘ofa, ‘a ia ko e fakama‘u ‘o e haohaoa.

PEA kapau leva na‘e kaungā fokotu‘u kimoutolu mo Kalaisi, pea mou ngāue ki he ngaahi me‘a ‘o ‘olunga, ‘a e potu ‘oku ‘i ai ‘a Kalaisi, he‘ene ‘Afio mei he to‘omata‘u ‘o e ‘Otua.

Pea tuku ‘a e fakamelino ‘a Kalaisi ke fakamaau ‘i homou loto, ‘a ia foki na‘e fakaului kimoutolu ke lava ‘i ho‘omou sino taha: kae‘uma‘ā ke mou hoko ko e kau fai fakafeta‘i.

Ko ia, mou ‘ai ke mate leva homou ngaahi kupu ‘oku ‘i māmani, ko e fe‘auaki, anga‘uli, havala, holi pango; kae‘uma‘ā ‘a e mānumanu, ‘a ia ko e tauhi ‘aitoli tofu pē ia

he kuo mou pekia, pea ko ho‘omou mo‘ui ‘oku fufū fakataha mo Kalaisi ‘i he ‘Otua.

Ka ‘i he taimi ni ke mou tuku ‘e kimoutolu foki ‘a e me‘a pehē kotoa pē, ‘a e ‘ita, ‘a e lili, ‘a e lotokovi; ta‘ofi homou ngutu mei he lau‘ikovi mo e kape.

‘Oua ‘e loi ‘i ho‘omou feangai, he kuo mou hu‘ihu‘i ‘a e motu‘a tangata, mo ‘ene ngaahi falengā ngāue; pea kuo mo ‘ai ‘a e tangata fo‘ou, ‘a ia ‘oku fai ai pē hono fakafo‘ou ‘i he ‘īmisi ‘o ‘Ene ‘Afio na‘a ne ngaohi ia, ke ne hokosi ‘a e ‘ilo kānokano

‘a e kau tangata, mou ‘ofa ki homou ngaahi uaifi, ‘o ‘oua ‘e kona homou loto kiate kinautolu.

‘a e fānau, mou talangofua ki ho‘omou mātu‘a ‘i he me‘a kotoa pē, he ko e me‘a faka‘ofo‘ofa ia ‘i he lotu.

‘a e kau fefine, mou anganofo ki homou ngaahi husepāniti, ‘a ia na‘e taau leva ke mou fai he ko e kakai lotu.