Kolosé 3
3
1PEA kapau leva na‘e kaungā fokotu‘u kimoutolu mo Kalaisi, pea mou ngāue ki he ngaahi me‘a ‘o ‘olunga, ‘a e potu ‘oku ‘i ai ‘a Kalaisi, he‘ene ‘Afio mei he to‘omata‘u ‘o e ‘Otua.#Saame 110.1 2Ke hu‘u ho‘omou tokanga ki he ngaahi me‘a ‘o ‘olunga, ‘o ‘ikai ki he ngaahi me‘a ‘oku ‘i māmani; 3he kuo mou pekia, pea ko ho‘omou mo‘ui ‘oku fufū fakataha mo Kalaisi ‘i he ‘Otua. 4Pea ka ‘iloange ‘e fakahā mai ‘a Kalaisi, ‘a ia ko ‘etau mo‘ui, pea ‘e toki fakahā ‘a kimoutolu foki fakataha mo ia ‘i he lāngilangi‘ia.
Ko e Mo‘ui Motu‘á mo e Mo‘ui Fo‘oú
5Ko ia, mou ‘ai ke mate leva homou ngaahi kupu ‘oku ‘i māmani, ko e fe‘auaki, anga‘uli, havala, holi pango; kae‘uma‘ā ‘a e mānumanu, ‘a ia ko e tauhi ‘aitoli tofu pē ia: 6he ko e ngaahi me‘a ko ia ‘oku hoko mei ai ‘a e houhau ‘a e ‘Otua.#3.6 ‘Otuá; ‘Oku pehē ‘i hono ngaahi hiki fuoloa ‘e ni‘ihi: ‘Otuá ‘iate kinautolu ‘oku ‘ikai ke nau talangofua kiate iá. 7Ko e ngaahi me‘a ko ia na‘e fou ai ‘a kimoutolu ‘i mu‘a, lolotonga na‘a mou kei mo‘ui ki he ngaahi me‘a ko ia.
8Ka ‘i he taimi ni ke mou tuku ‘e kimoutolu foki ‘a e me‘a pehē kotoa pē, ‘a e ‘ita, ‘a e lili, ‘a e lotokovi; ta‘ofi homou ngutu mei he lau‘ikovi mo e kape. 9‘Oua ‘e loi ‘i ho‘omou feangai, he kuo mou hu‘ihu‘i ‘a e motu‘a tangata, mo ‘ene ngaahi falengā ngāue;#‘Efe 4.22 10pea kuo mo ‘ai ‘a e tangata fo‘ou, ‘a ia ‘oku fai ai pē hono fakafo‘ou ‘i he ‘īmisi ‘o ‘Ene ‘Afio na‘a ne ngaohi ia, ke ne hokosi ‘a e ‘ilo kānokano:#Sēn 1.26; ‘Efe 4.24 11pea ko e tu‘u ko ia ‘oku ‘ikai ai ke Kalisi mo Siu, ke kamu mo ta‘ekamu, ke pāpeliane, Sitia, pōpula, tau‘atāina: ka kuo hoko ia kotoa ko Kalaisi pē, pea ko Kalaisi ‘oku ‘i ai takitaha.
12Ko ia, ke mou fai ‘o taau mo e kau fili ‘e he ‘Otua, ‘a ia ‘oku tapu mo ‘ofeina ‘o mou ‘ai; ‘a e fatu ‘oku langa ‘i he fai meesi mo e anga‘ofa mo e faka‘aki‘akimui mo e anga kātaki mo e anga mokomoko;#‘Efe 4.2 13pea ka ai ha taha ‘oku ne kovi‘ia ‘i ha taha ‘i ha me‘a, ke mou fekātaki‘aki pē mo fefakamolemole‘aki; ‘io, ‘o hangē foki ne fakamolemole kimoutolu ‘e he ‘Eiki, ke pehē pē mo kimoutolu.#‘Efe 4.32 14Pea mou kofu tu‘a ‘aki ‘a e ngaahi me‘a ko ia kātoa ‘a e ‘ofa, ‘a ia ko e fakama‘u ‘o e haohaoa. 15Pea tuku ‘a e fakamelino ‘a Kalaisi ke fakamaau ‘i homou loto, ‘a ia foki na‘e fakaului kimoutolu ke lava ‘i ho‘omou sino taha: kae‘uma‘ā ke mou hoko ko e kau fai fakafeta‘i. 16Ke mātu‘aki nofo‘ia kimoutolu ‘e he folofola ‘a Kalaisi, ‘o tu‘u ‘i he fa‘ahinga poto kotoa pē: ‘o mou fefai‘aki homou akonekina mo e valoki ‘aki ‘a e ngaahi Saame, mo e ngaahi himi, mo e ngaahi hiva fakalaumālie, ‘o fai fakakelesi pē, mo mou hiva ‘i homou loto ki he ‘Eiki.#‘Efe 5.19-20 17Pea neongo pe ko e hā ha me‘a te mou fai, ha lea, pe ha ngaue, mou fai kotoa pē ‘i he huafa ‘o e ‘Eiki ko Sīsū, mo mou fakafeta‘i ‘iate ia ki he ‘Otua ko e Tamai.
Ko e Tauhi Vaha‘a ‘i he Mo‘ui Fo‘oú
18‘a e kau fefine, mou anganofo ki homou ngaahi husepāniti, ‘a ia na‘e taau leva ke mou fai he ko e kakai lotu.#‘Efe 5.22; 1 Pit 3.1
19‘a e kau tangata, mou ‘ofa ki homou ngaahi uaifi, ‘o ‘oua ‘e kona homou loto kiate kinautolu.#‘Efe 5.25; 1 Pit 3.7
20‘a e fānau, mou talangofua ki ho‘omou mātu‘a ‘i he me‘a kotoa pē, he ko e me‘a faka‘ofo‘ofa ia ‘i he lotu.#‘Efe 6.1
21‘a e ngaahi tamai, ‘oua te mou fakahoha‘asi ho‘omou fānau, na‘a faifai pea nau loto kina.#‘Efe 6.4
22‘a e kau tamaio‘eiki, mou talangofua ki ho‘omou ngaahi ‘eiki fakasino ‘i he me‘a kotoa pē; ‘o ‘ikai ‘i he fai fakamamata, ‘o hangē ko ha kakai kimoutolu ‘oku fai ke mālie‘ia ‘a e tangata pē, ka mou fai lototō pē, telia ‘a e ‘Eiki.#‘Efe 6.5-8 23‘Ilonga ha me‘a te mou fai, ngāue fie ngāue ki ai, he ko e ngāue ki he ‘Eiki, ‘o ‘ikai ki he kakai: 24‘o mou ‘ilo, ko e ‘Eiki ia te mou ma‘u mei ai ‘a e totongi totonu, ko e ma‘u tofi‘a. Ko e ‘Eiki, ko Kalaisi ia ‘oku mou nofo tamaio‘eiki ki ai. 25Seuke, ‘ilonga ‘a ia te ne ngāue ta‘etotonu te ne ma‘u ‘a e totongi ‘o ‘ene ngāue ta‘etotonu na‘e fai: pea tala‘ehai ‘oku ‘i ai ha filifilimānako.#Teu 10.17; ‘Efe 6.9
26‘a e ngaahi ‘eiki, mou fai ho‘omou ngāue foki, ‘o ‘atu ki ho‘omou kau tamaio‘eiki ‘a e me‘a ‘oku totonu mo taau, ko ho‘omou ‘ilo ‘oku ‘i ai hamou ‘Eiki foki ‘i Langi.
Currently Selected:
Kolosé 3: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
