Popular Bible Verses from Kolos Rãmba 3

Share

ned kam fãa tõog a sũur ne a to, tɩ sã n ya zabr me, bɩ y kõ sugri; wala Soaala sẽn kõ yãmb sugrã, yãmb me maan boto.

Yaa yĩngr yɛla la yãmb tog n bao la y bas tẽng zug rẽnna.

Y tʋʋmd sẽn ya a soab fãa, tʋm-y ne y sũuri n miẽ tɩ yaa Soaala yĩng la y tʋmda, pa ninsaal yĩng ye.

Dɩlla yãmb sẽn ya Wẽnnaam yam nebã, b nin-sõma la b kom-nongdsã, bɩ y mao n yɩ nimbãan-zoetba, neb sẽn nong taaba, yam-sulgr dãmba, sũ-bʋgsem dãmba, sũ-maasem dãmba

La Wẽnd na kɩt tɩ Krista Koɛɛg kẽ yamb sũya sõmb-sõmbo. Wɩng-y n zãmsdẽ ne yam zulungã la y sagend taaba. Wẽnd yĩnga pʋd-y yɩɩle ne y sũur fãa n pʋʋs barka. Pʋd-y yɩɩl n balem Wẽnde, yɩɩla y sẽn zoe n yɩɩnnẽ bɩ y sẽn naand y toore. Wẽnd na kɩt tɩ y sẽn na n gome, bɩ y sẽn na n maan fãa yɩ Soaala Zezi yʋʋr yĩnga tɩ yãmb bark pʋʋsga tũ bãmba n ta Wẽnnaam Ba.

Bũmb zãnga tall-y nonglem: yẽ bal la sõmblem yẽgre.

Yãmb sẽn tũ Krista n vʋʋge, yaa yĩngr la yãmb tog n doog y nenga, zĩig ning Krista sẽn zĩ Wẽnnaam dɩtgo.

Woto wã bɩ Krista laafi kẽe y sũya tɩ yaa rẽnd yĩng la b bool-y n na fãoog-y taab Yĩng a ye. La vɩɩnd-y Wẽnnaam bark pʋʋsg pʋgẽ.

Dẽ yĩnga sɩbg-y y yĩnga wilsi. Ad-y yaa yoobo, tʋʋm dẽgdo, tʋls wẽnse, arzɛk tʋlsem, wala yẽ n deeg wẽnd zĩiga

Sɩda, yãmb kiime la yãmb vɩɩma solga Wẽnnaam nengẽ marsã ne Krista.

Dẽnd yĩnga, zãag-y mens marsã ne rẽ fãa. Sũ-puuri, sũ-toogo, zãmbo, beem tugbu, gom yoodo ka tõe n le yi y noorẽ ye.

Da le yag-y taab zirẽ ye. Y yeega nin-kʋdrã ne a tʋʋma n base, n lɛɛg n yeelg nin-paallã. Y rɩka bãngr sɩd sore tɩ woto la y wẽnego ne yãmb Naanda na n le tõog n puk yɛsã.

Sɩdb rãmba nong-y y pagba la y ra maan zʋg ne b ye.

Kamba, sak-y y ba rãmb noya, dẽ bal n be neer Soaala nifẽ.

Pagba, deeg-y y sɩdb rãmb noore tɩ rẽ n tog Soaala nengẽ!