Kolos Rãmba 3

Krista la vɩɩm paalga kõata

1 # Yɩ 110,1. Yãmb sẽn tũ Krista n vʋʋge, yaa yĩngr la yãmb tog n doog y nenga, zĩig ning Krista sẽn zĩ Wẽnnaam dɩtgo. 2Yaa yĩngr yɛla la yãmb tog n bao la y bas tẽng zug rẽnna. 3Sɩda, yãmb kiime la yãmb vɩɩma solga Wẽnnaam nengẽ marsã ne Krista. 4La Krista sã n wa puki, bãmb sẽn ya yãmb vɩɩma, wakat kãnga yãmb me na tũ bãmb n puk ne pẽgr sẽn kõn sɛ.

Saglgo

5Dẽ yĩnga sɩbg-y y yĩnga wilsi. Ad-y yaa yoobo, tʋʋm dẽgdo, tʋls wẽnse, arzɛk tʋlsem, wala yẽ n deeg wẽnd zĩiga: 6yaa bãmb n takd Wẽnd beem tõatba zugu. 7Y vɩɩma ra yaa woto pĩnda, y sẽn da waa n be bãmb sʋka. 8Dẽnd yĩnga, zãag-y mens marsã ne rẽ fãa. Sũ-puuri, sũ-toogo, zãmbo, beem tugbu, gom yoodo ka tõe n le yi y noorẽ ye. 9#Ef 4,22. Da le yag-y taab zirẽ ye.

Y yeega nin-kʋdrã ne a tʋʋma n base, 10#Bs 1,26; Ef 4,24. n lɛɛg n yeelg nin-paallã. Y rɩka bãngr sɩd sore tɩ woto la y wẽnego ne yãmb Naanda na n le tõog n puk yɛsã. 11Ade, m yaa Grɛk, bɩ Zʋɩf, zũng bɩ sẽn ka kẽ-a bãongo, weoogẽ neda, bu-zẽna, yamba bɩ burkĩna, ka rẽ n le be yɛs ye. Yaa Krista bal n be n ya fãa la b be fãa yĩnga.

12Dɩlla yãmb sẽn ya Wẽnnaam yam nebã, b nin-sõma la b kom-nongdsã, bɩ y mao n yɩ nimbãan-zoetba, neb sẽn nong taaba, yam-sulgr dãmba, sũ-bʋgsem dãmba, sũ-maasem dãmba: 13#Ef 4,2. #Ef 4,32. ned kam fãa tõog a sũur ne a to, tɩ sã n ya zabr me, bɩ y kõ sugri; wala Soaala sẽn kõ yãmb sugrã, yãmb me maan boto. 14Bũmb zãnga tall-y nonglem: yẽ bal la sõmblem yẽgre. 15Woto wã bɩ Krista laafi kẽe y sũya tɩ yaa rẽnd yĩng la b bool-y n na fãoog-y taab Yĩng a ye. La vɩɩnd-y Wẽnnaam bark pʋʋsg pʋgẽ.

16La Wẽnd na kɩt tɩ Krista Koɛɛg kẽ yamb sũya sõmb-sõmbo. Wɩng-y n zãmsdẽ ne yam zulungã la y sagend taaba. Wẽnd yĩnga pʋd-y yɩɩle ne y sũur fãa n pʋʋs barka. Pʋd-y yɩɩl n balem Wẽnde, yɩɩla y sẽn zoe n yɩɩnnẽ bɩ y sẽn naand y toore. 17#Ef 5,19-20. Wẽnd na kɩt tɩ y sẽn na n gome, bɩ y sẽn na n maan fãa yɩ Soaala Zezi yʋʋr yĩnga tɩ yãmb bark pʋʋsga tũ bãmba n ta Wẽnnaam Ba.

18 # Ef 5,22; 1P 3,1. Pagba, deeg-y y sɩdb rãmb noore tɩ rẽ n tog Soaala nengẽ! 19#Ef 5,25; 1P 3,7. Sɩdb rãmba nong-y y pagba la y ra maan zʋg ne b ye. 20#Ef 6,1. Kamba, sak-y y ba rãmb noya, dẽ bal n be neer Soaala nifẽ. 21#Ef 6,4. Ba rãmba, da lak-y y kamb sɩɩg ye ka rẽ b wat n basa raoodo.

22Yemse, sak-y neere yãmb zu-soaben-dãmba sẽn beb tẽng zugu, la ra yɩ zoe-nif sakre n na n noog ninsaal sũur ye, sak-y b ne pʋ-peelem, ne Zu-soaba rabeem bala. 23Y tʋʋmd sẽn ya a soab fãa, tʋm-y ne y sũuri n miẽ tɩ yaa Soaala yĩng la y tʋmda, pa ninsaal yĩng ye. 24Bãng-y tɩ Soaala na n dola yãmba tɩ y lebg b yõoda rɩtba. Yaa Krista d Soaala yĩng la y tʋmda. 25#Yao 10,17; Ef 6,9. Sẽn maanda zãmb na paam a zãmb rolbo, tɩ Wẽnd ka mi bok-n-maneg ye.

Currently Selected:

Kolos Rãmba 3: SSDC98

Highlight

Copy

Compare