Popular Bible Verses from Kolos Rãmba 2

Share

Soaal a Zezi Krista ning b sẽn wilg yãmb a soab taki wã, ad-y yaa bãmb maasmẽ la y tog n kẽne. Sud-y y yẽgna n ta bãmba, bas-y tɩ b me-y wa roog bãmb zugu, la rẽ tɩ y rella tẽeb ning b sẽn zãms yãmb a soabã, tɩ y bark pʋʋsg pid n daanẽ.

Gũus-y tɩ ned da yik yãmb sʋka n belg yãmb n da, wala yemse, ne a sɩlem pidung ye; b bãngra yaa kʋdem-dãmb la dũnia rãmb bãngre, a ka Krista rẽnd ye.

Yãmb sẽn da ya kũum y yel-wẽna la y sẽn ka kẽ bãonga yĩnga, Wẽnnaam n kɩt tɩ yãmb le vʋʋge n vɩ ne Krista. Bãmb n bas d yel-wẽna taale. B pa tũ Noora sẽn da rat a soaba ye, b rɩka tõnd samd yooga sebre n ka pika n sãam-a zãnga.

Bãmb n pid ne wẽndlema fãa pidungu la yãmb me tũu bãmb n lis pidung kãng pʋgẽ. Bãmb bal la yĩngr dĩm dãmb dĩma la pãn-dãmba fãa Kãsma

Da sak-y tɩ ned wɩd yãmb bõn-dɩtl bɩ bõn-yũudr poorẽ ye, yʋʋmd-yʋʋmd kibsa, kiu paale, bɩ sibr daar poorẽ ye. Dẽ fãa yaa bũmb sẽn wat beoog sulunsuku, la bũmba meng tãa la Krista Yĩnga.