እግዚአብሔርን ተስፋ አድርግ።ናሙና

ልጆቻችሁን በእግዚአብሔር ላይ ተስፋ እንዲያደርጉ አስተምሯቸው

''እኛም ከልጆቻቸው አንደብቀውም፤ የእግዚአብሔርን ምስጋና፣ ኀይሉንና ያደረገውን ድንቅ ሥራ፣ ለሚቀጥለው ትውልድ እንናገራለን'' (መዝሙር 78፡4)።

ይህ ክፍል የእግዚአብሔርን ባሕርይ እና የከበረ ሥራ የማወቅን አስፈላጊነት በተመለከተ ነው፣ የእስራኤል ታሪክ ሰዎች እግዚአብሔርን ሲረሱ፣ ከእርሱ ሲርቁ እና ውጤቱን ሲጋፈጡ የሚያሳይ በምሳሌዎች የተሞላ ነው። ስለዚህ አሳፍ ይህን መዝሙር ጻፈው ለአባቶች የሰጠውን የእግዚአብሔርን ትእዛዝ አድማጮቹን "እግዚአብሔርን ድንቅ ሥራውን" እንዲያስተምሩ ያሳስባቸዋል።

ትውልድ ሁሉ ጌታን ማወቅ አለበት። እግዚአብሔር ብዙ ጊዜ ራሱን ስለማያሳይ፤ የቀደሙት ትውልዶች:- በራሳቸው የተለማመዱትን፣ ከወላጆቻቸው እና ከቀደሙት የሰሙትን እንዲሁም በመጽሐፍ ቅዱስ ውስጥ ያነበቡትን የእግዚአብሔርን ድንቅ ስራዎች ማስተላለፍ የቀደሙት ትውልዶች ሃላፊነት ነው። ይህም ልጆችን ጌታ መልካም፣ ሁሉን ቻይ እና የታመነ እንደሆነ ያስተምራቸዋል። ''እነርሱም በእግዚአብሔር ይታመናሉ፤ የእርሱንም ሥራ አይረሱም፤ ትእዛዞቹንም ይጠብቃሉ''(መዝሙር 78፡7)።

ወላጆች የራሳቸውን እምነት እና ተስፋ ወደልጆቻቸው እንደሚያልፍ ማረጋገጥ አይችሉም፤ ነገር ግን እነሱን ማስተማር እና የእግዚአብሔርን ቃል መረዳታቸውን ማረጋገጥ የወላጅ ኃላፊነት ነው። ይህ እውቀት ወላጆች ለልጆቻቸው ሊሰጡ የሚችሉት እጅግ ውድ ስጦታ ነው።

ወላጆችህ ስለ አምላክ አስተምረውሃል?