መተግበሪያውን ያግኙየእግዚአብሔር የጦር ዕቃናሙና
መልሶ መዋጋት!
"...የመንፈስንም ሰይፍ ያዙ፤ እርሱም የእግዚአብሔር ቃል ነው’’ (ኤፌሶን 6:17)
ከሰይጣን ጥቃት የሚከላከሉን የተለያዩ የእግዚአብሔር የጦር ትጥቅ መሳሪያዎችን ቀደም ብለን አንብበናል። የዛሬው መሳሪያ፣ የመንፈስ ሰይፍ፣ ለመከላከያነት ብቻ ሳይሆን ጠላትን ለማጥቃት አልፎ ተርፎም ለመጉዳት ጭምር ነው። ያዕቆብ 4፡7 አንብብ - “ዲያብሎስን ተቃወሙት ከእናንተም ይሸሻል። እኛ አቅመ ቢስ አይደለንም!
ይህን ሰይፍ የመጠቀም ከሁሉ የተሻለው ምሳሌያችን በኢየሱስ ያደረገው ነው። ሰይጣን በምድረ በዳ ሲፈትነው፣ ክርስቶስ ለፈተናዎች ሁሉ ተገቢውን የቅዱሳት መጻሕፍት ክፍል በመጥቀስ ምላሽ ሰጠ። ሰይጣን ውሸት ወይም ከፊል እውነት በተናገረ ቁጥር ኢየሱስ “ተጽፏል…” በማለት ምላሽ ሰጠ፤ ከዚያም የሰይጣንን ውሸቶች የሚያጋልጡ አንዳንድ የመጽሐፍ ቅዱስ ጥቅሶችን ጠቅሷል። ከሶስት ሙከራ በኋላ ዲያቢሎስ ተወው። የእግዚአብሔር ቃል በጣም ኃይለኛ ስለሆነ ሰይጣን ተስፋ ቆርጦ መሸሽ አለበት።
ስለዚህ ይህ የመንፈስ ሰይፍ የሰይጣንን ውሸቶች በሚያጋጥሙህ ጊዜ ሁሉ የእግዚአብሔርን የታመነ ቃል መጥቀስ ወይም ማስተጋባት ማለት ነው። ይህም የመጽሐፍ ቅዱስን ጥልቅ እውቀት ይጠይቃል። በዚህ ለጦርነት መዝጋጀት፥ እንዲሁም ዲያብሎስን መቃወም ይችላሉ።
የመንፈስን ሰይፍ የመጠቀም ልምድ አለህ?
ቅዱሳት መጻሕፍት
ስለዚህ እቅድ
ክርስቲያን ከሆንክ ያለማቋረጥ በጦርነት ላይ ነህ። በአካላዊ ጉዳት ስለተጠቃህ አይደለም፣ ነገር ግን መንፈሳዊ ኃይሎች ከአምላክ ሊያርቁህ ስለሚሞክሩ ነው። አንተን ለመጠበቅ እግዚአብሔር መንፈሳዊ የጦር ትጥቅ ይሰጥሃል። ይህ የንባብ እቅድ - የእግዚአብሔር የጦር ትጥቅ ምን እንደሚመስል እና እንዴት እንደሚጠቀሙበት ያብራራል።
More
ይህንን እቅድ ስላቀረበልን GlobalRize ን ልናመሰግን እንወዳለን። ለበለጠ መረጃ፣እባክዎ የሚከተለውን ይጎብኙ፡ www.globalrize.org
