Die geboorte van Christus en gesinsleweVoorbeeld

God is die skepper van die gesin

Van die begin af het God die gesin ingestel as die primêre bousteen van die samelewing. In die tuin van Eden het Hy die eerste huwelik gevestig – ’n heilige verbintenis tussen 'n man en 'n vrou – waaruit die eerste gesin gespruit het. Die gesin is nie bloot ’n sosiale struktuur nie. Dit is ’n geestelike instelling waar liefde, sorg en geloof oorgedra word. Wanneer ons Christus se geboorte herdenk, dink ons nie net aan sy koms na die wêreld nie, maar ook aan die gesin waarin Hy gebore is. Josef en Maria was gewone mense, maar God het hulle gekies om deel van sy buitengewone plan te wees. Net so gebruik God vandag nog gewone gesinne om sy liefde en lig te uit te straal. Daarom kan elke gesin 'n geskenk aan die samelewing wees, deurdat dit ’n ruimte kan wees waarin Christus se teenwoordigheid 'n beslissende rol speel, en die gesin die boodskap van Jesus Christus prakties uitleef.

Geselsvrae vir die hele gesin ...

Watter eenvoudige maniere kan julle gebruik om liefde in julle gesin uit te leef?

Dink aan Josef en Maria … wat kan julle by hulle leer oor vertroue in God se plan?

Wat beteken dit vir julle dat jul gesin 'n geskenk van God – vir mekaar en vir ander – kan wees?