SomtydsVoorbeeld

Dag 1: Somtyds verstaan mens nie

Jesaja 55:8-9 (NLV): “My gedagtes is anders as julle s’n, en julle paaie is nie my paaie nie,” sê die Here. "Want soos die hemel hoër is as die aarde, so is wat Ek doen, hoër as wat julle doen, en my gedagtes hoër as julle gedagtes."

In die lewe beleef ons almal ‘n stadium, selfs verskeie kere, waar dinge eenvoudig nie sin maak nie. Somtyds verstaan mens nie waarom sekere gebede onbeantwoord lyk, of waarom swaarkry en verlies ons tref wanneer ons dit die minste verwag. Dit is juis in sulke oomblikke wanneer ons herinner word dat ons begrip beperk is, maar God se wysheid oneindig is.

In Jesaja 55:8-9 leer ons dat God se gedagtes hoër is as ons gedagtes en sy weë hoër as ons weë. Wanneer ons in verwarring of pyn verkeer, mag dit vir ons voel asof God ver weg is, maar die waarheid is dat Hy juis naby is. Somtyds verstaan mens nie die pad wat voorlê nie, maar ons kan kies om Hom te vertrou, selfs wanneer die lig vaag, die vrae groot, en die toekoms grys voorkom.

Kyk na die verhaal van Job. Hy het alles verloor, en hy het nie verstaan waarom dit gebeur het nie. Tog het hy vasgehou aan sy geloof en uiteindelik gesien hoe God sy lewe herstel en seën. Hierdie verhaal herinner ons dat selfs al verstaan ons nie die "hoekom" en die "hoe" nie, kan ons seker wees dat God ’n plan het wat goed is en wat sy liefde weerspieël.

Geloof is nie altyd om antwoorde te hê nie; dit is dikwels om vas te hou aan God wanneer die antwoorde ontbreek. Daarom kan ons sê: somtyds verstaan mens nie, maar ons kan altyd vertrou.

Gebed: Vader, wees my genadig deur u Gees deur my hele wese te blaas, veral wanneer ek verward of moedeloos voel. U asem gee lewe.