Die Troos van die Psalms in die Stryd van die LeweVoorbeeld

Jesus bid vir jou

“Dit is die uitspraak van die Here vir my heer: 'Sit aan my regterhand totdat Ek jou vyande 'n voetbank vir jou voete maak'" (Psalm 110:1 AFR20).

Baie aanhalings in die Nuwe Testament bewys dat Psalm 110 heeltemal oor Jesus gaan. Wat baat ons daarby dat Jesus aan die regterhand van God sit? Die Bybel vertel ons vier dinge daaroor.

Jesus sit aan die regterhand van God om namens ons met sy Vader te praat. "Christus ... wat ook aan die regterhand van God sit en wat ook vir ons intree (Romeine 8:34 AFR20).

Jesus sit aan die regterhand van God om vanuit die hemel oor ons te waak en ons te help om Hom te dien. “Nadat die Here Jesus met hulle gepraat het, is Hy in die hemel opgeneem en het aan die regterhand van God gaan sit. Hulle het toe uitgegaan en oral gepreek. Die Here het met hulle meegewerk en die prediking bevestig met wondertekens wat daarop gevolg het.” (Markus 16:19-20 AFR20).

Jesus sit aan die regterhand van God om dit vir ons makliker te maak om op ewige dinge te fokus. Omdat ons Jesus ken, en Jesus in die hemel is, is die hemel nie meer 'n vreemde plek nie. “As julle dan saam met Christus opgewek is, streef na dit wat daarbo is, waar Christus aan die regterhand van God sit” (Kolossense 3:1 AFR20).

Jesus sit aan die regterhand van God om ons te verseker van 'n glorieryke toekoms waarin ons ook sal regeer. “Wie oorwin, sal Ek saam met My op my troon laat sit, net soos wat Ek ook oorwin het, en saam met my Vader op sy troon sit” (Openbaring 3:21 AFR20).

Troos dit jou dat Jesus in die hemel aan die regterhand van God sit? Hoe?