Moenie uitstel nie

Ons kan nie langer uitstel nie. Jesus Christus gaan enige oomblik terugkom.

Ons moet vandag nog besluit of ons Hom gaan volg. Gaan Hy ons getrou bevind wanneer Hy terugkom? Sal Hy ons kry waar ons Hom aanbid? Sal Hy ons kry waar ons vir Hom opstaan? Sal ons besig wees om sy Naam te verkondig? Jesus het dit tog baie duidelik gemaak: As ons ons vir Hom skaam, sal Hy ons ook nie voor sy Vader erken nie (Matteus 10:33).

Ons het nie meer tyd om te wag nie. Ons kan nie sê ons gaan dit môre doen nie, want ons het dalk nie môre nie. Vandag is die dag van redding. Dit is tyd om ons lewens in orde te kry vir wanneer die Here terugkeer. Of ons nou wag vir sy wederkoms of om Hom in die hemel te ontmoet, is nie belangrik nie. Die belangrikste is dat ons gereed sal wees vir die dag wat die Here ons roep.

Moenie uitstel nie. Die oomblik om Hom in jou lewe te aanvaar, is nou. Stel die dinge in jou lewe reg wat reggestel moet word.