Mislukking Is Nie Die Einde NieVoorbeeld

'n Preek oor Mislukking

Een Sondagaand het 'n vreemde ding met my gebeur. Ek het oor mislukking gepreek. Ná ek die seën uitgespreek het, het die gemeente spontaan hande geklap. Ek was 'n bietjie geskok. 'n Handeklappery is ongewoon in die kerk – veral nie in hierdie situasie nie. Ongeveer 18 maande later het ek weer oor mislukking gepreek. Na die diens het dieselfde weer gebeur.

Net twee keer in my lewe het mense vir ‘n preek van my hande geklap. Eers later het ek besef dat die onderwerp in albei gevalle "mislukking" was.

Waarom? Mense kan hulle met mislukking vereenselwig! As jy oor sukses praat, sal mense jou hoor, maar dikwels sal dit nie hul harte raak nie. Almal sal egter luister as jy oor mislukking praat (ook jou eie mislukkings en hoe jy dit hanteer het). Min of meer almal sukkel met mislukking. Ek het dit keer op keer gesien dat wanneer jy oor jou mislukkings begin praat en hoe jy of iemand anders hul mislukkings op 'n spesifieke manier oorkom het, mense vinniger sal leer en meer sal onthou van wat jy hulle vertel het.

Moenie begin spog oor jou mislukkings nie. Mense sal deur jou sien en jou verwerp.

Die boek Failing Forward deur John Maxwell kan nuttig wees as jy verder oor mislukking wil lees.