Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
DIE SAAD VAN WAARHEID
Lees Efesiërs 2:8-10.
Die hoofstuk en Skrifgedeelte vertel ons dat ons verlossing 'n geskenk van God is. Het jy al die geskenk met volkome dankbaarheid aanvaar? Soms mag jy dalk onwaardig voel óf dit as vanselfsprekend aanvaar. Lees vers 8 stadig; woord vir woord. Hoe het jy hierdie verlossingsgeskenk bekom? Dit is deur genade — onverdiende guns. Jy het guns ontvang as gevolg van God se groot liefde en ryk genade. Dit is met 'n doel gegee wat God beplan het.
PLANT DIE SAAD
Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 2:10: "Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het."
GEE DIE SAAD WATER
Dink na wat dit beteken om die produk van sy handewerk te wees. Alles — jou lewe, omstandighede, persoonlikheid, talente, jou sterkpunte en swakhede — het bygedra tot wie jy is en wat jy gekies is om in Christus te wees. Staan vandag 'n tydjie af om God te dank vir sy handewerk in jou lewe! Vra Hom om jou te wys hoe Hy jou toegerus het om die liggaam van Christus te seën. Luister en neem dit in. Vra Hom vir wysheid en verstand. Volg Hom waar Hy jou "op die regte paaie [lei] ..." (Psalm 23:3) en wees geduldig terwyl Hy jou lei. Mag jy bemoedig word!
DRA VRUG
Geskep vir goeie werke.
SLUIT AF MET GEBED
Vra God om dit te laat groei wat vandag in jou hart geplant is.
Skrif
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
