Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
SAAD VAN WAARHEID
Lees Efesiërs 2:1-3.
Hoe beskryf Paulus ons lewe voor Christus? Hoe beskryf vers 1 die toestand van ons lewe? Wat is ons in staat om in daardie toestand te doen? Volgens vers 2, vir wie het ons gevolg? Watter begeertes het ons beheer? In Christus is ons nou sy aangenome kinders, maar wat noem Paulus ons in vers 3? Goeiste!
PLANT DIE SAAD
Sê vandag se kernvers saggies op vir jouself. Bewaar dit in jou hart en oordink dit deur die dag. Efesiërs 2:3: "So het ons trouens vroeër ook almal gelewe. Ons is deur ons sondige begeertes oorheers en het gedoen net waartoe ons luste ons gelei het en wat in ons gedagtes opgekom het. Vanweë ons sondige natuur sou ons net soos die ander mense deur God gestraf moes word."
GEE DIE SAAD WATER
Hoe meer ons leer oor die bedorwe omvang van ons sondige natuur, hoe groter word ons liefde vir die evangelie. Ons lewe nog steeds in die teenwoordigheid van sonde. Ons is in sonde gebore (Psalm 51), maar Christus het ons die mag gegee om sonde te oorwin. Die mag van sonde oor ons lewens is gebreek, en dit het nie meer 'n houvas oor ons nie. Die straf van ons sonde is reeds betaal; daarom is ons vrygespreek. Ons is nou in Christus. Let vandag op jou gedagtes en handelinge. Watter wêreldse begeertes duik op wat jy teëgestaan het? Watter tydelike begeertes het jy van die hand gewys? Watter gedagtes het jy geleer om eerder te vermy? Maak 'n nota daarvan hieronder en dank die Here as jy sien dat jy groei. Indien jy nie sekere areas in jou lewe teëgestaan het nie, vra die Here om vergifnis en hulp. Ons is vroeër deur die begeertes van ons vlees gedryf. Nie meer nie!
DRA VRUG
Nie meer 'n aanhanger van toorn en wêreldse begeertes nie.
SLUIT AF MET GEBED
Vra die Here om alles te laat groei wat vandag in jou hart geplant is.
Skrif
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
