God se Geliefde Gemeenskap: 'n 5-dag Leesplan vir KindersVoorbeeld

Dag Vyf

“Maar Jesus het gesê: ‘Laat staan die kindertjies en moet hulle nie verhinder om na My toe te kom nie, want die koninkryk van die hemel is juis vir mense soos hulle’” — (Matteus 19:14).

Wanneer jy mense met God

en met mekaar versoen as 'n uiteenlopende gesin,

dan het jy die goeie nuus van hierdie kleurvolle droom versprei:

God se geliefde gemeenskap!

Oordenking

Dit verg moed om uit te reik na mense wat anders is, of om te praat wanneer ons iets verkeerd sien. Weet jy wat? God gee ons al die moed wat ons nodig het om te doen waarvoor Hy ons roep. Hy weet dat kinders 'n GROOT verskil in die wêreld kan maak. Jesus het selfs gesê die koninkryk van God behoort aan ... weet jy wie? ... Kinders! As jy ooit wonder of jou vriendelike woorde of glimlag of moedige dade saak maak, kan jy onthou dat dit vir God BAIE saak maak. Hulle is God se droom van 'n geliefde gemeenskap wat deur jou waar word.

Gebed

Liewe Vader,

Ek is opgewonde dat U my wil gebruik om u geliefde gemeenskap te help skep! Help my om maniere te soek om vriendelik te wees, veral teenoor mense wat anders as ek is. Help my om te sien wanneer iets verkeerd is wat reggemaak moet word. Help my bowenal om kleurdapper te wees, want hoe dapperder ek is, hoe beter leer ek U ken!

Amen.

Aktiwiteit

Gaan na die biblioteek en kies 'n boek (of twee of drie!) oor iemand wat 'n ander kleur vel as jy het. Teken 'n prentjie van jouself en 'n prentjie van die karakter in die boek. Wat is dieselfde tussen jou en die karakter? Wat is anders?