Soek in SeweVoorbeeld

"Soos 'n wildsbok smag na waterstrome, so smag ek na U, o God. Ek dors na God, na die lewende God. Wanneer kan ek gaan en voor God verskyn?" (Psalm 42:2-3).

Ek onthou my eerste ontmoeting met God. Die gevoel was onbeskryflik. Dit was terselfdertyd swaar en lig. Ek was leeg, maar dit het my gevul, en my emosies was hoog. Ek het van vreugde oorgeloop. Alhoewel geen van die werklike probleme in my lewe, uitdagings of ongunstige omstandighede tasbaar verander het nie, het ek tog op die een of ander manier beter gevoel. Ek het hoopvol gevoel, en positiewe energie het uit my gestraal. Ná daardie ontmoeting wou ek God heeltyd voel. Ek wou die tasbare gevoel van Hom ervaar.

In ʼn leefstyl waar God eerste gestel word, sal die outomatiese soeke na Hom, jou sy teenwoordigheid laat aanvoel. Sy teenwoordigheid is sterk en vol. Dit wek al jou sintuie en kan veroorsaak dat jy allerhande emosies ervaar. Trane van vreugde en dankbaarheid oorweldig jou en krag word in jou gestoor. Dit kan nie met woorde beskryf word nie, en sodra jy dit voel, is jy vir ewig anders.

Die enigste manier om dit te verstaan, is deur persoonlike belewenis. Ná 'n ontmoeting vergeet jy nooit hoe jy gevoel het nie. Jy verlang altyd weer na daardie gevoel. Psalm 42 beskryf hoe sterk die begeerte kan wees om 'n ontmoeting met God te hê. Dit is soos 'n wildsbok wat dors is vir water. Wanneer ons na God soek, onsself gereedmaak om hom te ontmoet, en Hom ontmoet, sal die ervaring om in die teenwoordigheid van die Almagtige God te wees ook by ons lewensveranderende dors word. God se teenwoordigheid is slegs 'n gebed ver, 'n aanbiddingslied ver, en 'n soeke na Hom in die Woord ver. Jy kan dit ervaar en Hy is vir jou beskikbaar.

Vandag sal jou aksiedag wees. Sit 24 minute van stil ononderbroke tyd opsy om God se teenwoordigheid uit te nooi. Begin deur God se teenwoordigheid in jou tyd in te nooi. Lees dan die Bybel vir 8 minute, waarna jy vir 8 minute lank bid. Ten slotte, spreek jou waardering uit deur te verklaar wie God is, of deur 'n lied te sing wat sy waarde verduidelik. Maak jou gereed, want jy sal God se teenwoordigheid voel. Jy sal God ervaar en ontmoet. Na afloop van die ontmoeting skryf jou gedagtes, gevoelens en ondervindinge in sy teenwoordigheid neer in jou joernaal. God kan waarneembaar met jou praat, jou 'n visioen gee of jou aan 'n belofte herinner. Hy is getrou om te kom en saam met ons te wandel wanneer ons Hom op hierdie manier soek.