Soek in SeweVoorbeeld

"Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee" (Matteus 6:33).

Het jy al ooit gewonder hoe ons op aarde kan lewe én uitvoering kan gee aan ons Godgegewe lewensdoel? Hoe gaan ons Hom nastreef én steeds seker maak dat daar kos op die tafel is? Hoe kan ons Hom eerste stel én steeds ons werk en kinders prioritiseer?

Ek het gevind dat ons, om ons Godgegewe lewensdoel uit te leef, 'n lewenswyse moet ontwikkel wat God eerste stel. Ons moet nie net die Here soek nie, maar moet leer om Hom eerste te soek. Matteus 6 is 'n verslag van Jesus se werklike woorde. Dit is sy opdrag aan ons. Hy sê vir ons om eers sy koninkryk te soek. Dan gee Hy 'n belofte wat met hierdie soeke verband hou. Dat alles wat ons nodig het en begeer, aan ons gegee sal word. Het jy vrae of bekommernisse? Is daar iets wat jy wil hê? God is volkome in staat om te voorsien wat jy benodig, en wat jy graag wil hê, as jy sy koninkryk eerste soek. Dit is die eerste stap in die God-eerste lewenstyl. 'n Lewenstyl waarin jy God erken wanneer jy wakker word, voordat jy uit die bed klim en voordat jy jou dag begin. Wanneer jy jou tyd saam met Hom vóór jou werk, vóór telefoonoproepe en vóórdat jy vir die dag uit die huis gaan, wil stel, sal die lewe dit 'n uitdaging maak. Dit sal meebring dat jy moeite moet doen en doelbewus moet wees. As jy dit doen — as jy prioriteit daaraan gee om sy koninkryk te soek — as jy die eerste oomblikke van jou dag opsy sit en hierdie tyd teen die afleiding van die lewe beskerm, sal jy ondervind dat al hierdie dinge vir jou bygevoeg word. Jy sal beide sukses en vrede, voorsiening en vreugde hê.

Skryf jou bedoelings neer terwyl jy vandag jou "Soek in Sewe" reis begin. Wat wil jy ervaar uit hierdie tyd wat jy aan God bestee? Dan wil ek hê jy moet 'n wekker vir dag twee stel. Beplan die tyd wat jy nodig het om jou dag te begin en soek God eerste. As jy vroeër moet opstaan, beplan daarvoor. Terwyl jy beplan en tyd maak om God te soek, kan ek jou verseker dat Hy jou sal beloon.