Soek in SeweVoorbeeld

"Ek het die HERE gesoek, en Hy het my geantwoord en my uit al my vrees gered" (Psalm 34:5 AFR53).

Vrees word beskryf as 'n onaangename emosie wat veroorsaak word deur die oortuiging dat iemand of iets gevaarlik is of waarskynlik pyn sal veroorsaak. Soos ons deur die lewe wandel, is daar baie dinge wat die emosie van vrees laat toeneem. Burgerlike onrus, hewige storms wat verwoesting veroorsaak, die onbeheerste optrede van ander of die gedagte om 'n geliefde te verloor, is alles voorbeelde van dinge wat natuurlike vrees veroorsaak. Angstigheid word een van die mees algemene emosies en spruit voort uit vrees vir dinge wat ons nie kan beheer nie.

Die gevaarlike deel van vrees is dat dit ons daarvan kan weerhou om God na te streef. Daar is vrae wat ons onsself kan afvra: Sal enigiets verander omdat ek die soeke na God eerste stel? Wat as ek nie 'n verskil voel nie? Sê nou dit kos my te veel om die soeke na God eerste te stel? Uit hierdie Skrifgedeelte in die Psalms kan ons leer dat die beste manier om van vrees bevry te word, is om na die Here te soek. ʼn Leefstyl waarin ons God eerste stel, bevry ons van alle vrees en help ons om angstigheid behoorlik te hanteer. Die Bybel sê dat ons oor niks besorg moet wees nie. Hoe doen ons dit? Ons verdryf angstigheid en vrees deur God daagliks eerste te stel. Hierin gee Hy ons "die gees van krag en van gesonde verstand".

Neem vandag 'n oomblik om dinge te bely, of om in ʼn joernaal neer te skryf waarvoor jy bang is. Terwyl jy daardie vrese laat vaar, moet jy mondelings belowe om die Here oor hierdie dinge op te soek — jy moet bid dat God aan jou dieselfde verlossing sal gee as waarvan Dawid in hierdie vers skryf. Dieselfde verlossing is vandag vir ons moontlik.