Een: Lydenstyd OordenkingVoorbeeld

As sy beeld

Hierdie is 'n vers wat baie van ons so goed ken dat ons soms vergeet om stil te staan om die merkwaardige krag, skoonheid en betekenis daarvan te waardeer. Ons is geskep as die beeld van die einste God wat sterre in hul plekke geplaas het, betekenis uit chaos geskep het en aan die mensdom 'n lotsbestemming besorg het.

Talm 'n rukkie, en asem dit in. Die beeld van ons Here is diep in die wese van die mensdom ingeweef.

In hierdie kort versie is daar 'n oproep vervat aan ons identiteit as beelddraers van die Koning, asook 'n oproep om aktief op die uitkyk te wees vir die beeld van die Koning in ander.

Hierdie is 'n wêreld-veranderende waarheid. Hoe anders sou dinge nie wees as ons verby die hoofopskrifte kon kyk na die beeld van God nie? Die klimaatskrisis, hedendaagse slawerny, die verwoesting van die omgewing ... Ek waag om te glo dat as ons, die mensdom, hierdie vers waarlik uitleef, daar geen armoede meer sal wees nie. Ongeregtigheid sal geen plek meer hê in ons wêreld nie.

Laat ons dus vandag pro-aktief kyk en die beeld van God vind in onsself en in ander.

Gebed:

Skeppergod, ons staan stil in verwondering. Dankie dat ons as u beeld geweef is. Help ons, Here, om dit daagliks in onsself en in ander raak te sien. Mag ons ánders leef in die lig van hierdie waarheid. Amen.

Deur Dot Tyler

Dot lei "Tearfund" se werk onder jongmense regoor die Verenigde Koninkryk.