Een: Lydenstyd OordenkingVoorbeeld

Die betekenis van geregtigheid

Hoe sal 'n Christelike gemeenskap régtig lyk?

Sal dit 'n gemeenskap wees waarin almal kerk toe gaan? Een waarin almal van ons elke dag die Bybel lees? Een waarin lofliedere bo-aan die trefferlyste is?

As ons die Woord van God navolg, sal 'n Christelike gemeenskap een wees waar daar geen ongelykheid is nie. 'n Gemeenskap waarin mense met vriendelikheid en deernis na mekaar sal omsien. Christenskap behels meer as kerkgetalle — dit gaan oor geregtigheid. Om God se koninkryk uit te brei, beteken om diegene op te tel wat neergefel is. As ons dít nie doen nie, dan mis ons die hele punt. Beide die Ou en Nuwe Testamente is baie duidelik hieroor. Ons lees byvoorbeeld in Jesaja:

"Leer om weer goed te doen, sorg dat daar reg geskied, gaan die verdrukker teë. Laat reg geskied aan die weeskinders, behartig die regsake van die weduwees" (Jesaja 1:17).

Vroeër in vandag se Skrifgedeelte verwerp God die aanbidding van sy volk. God haat dit. Waarom? Omdat daar ongeregtigheid in die land heers. Omdat die hulpkrete van die uitgeworpenes geïgnoreer word. Omdat sy volk nie omsien na dié wat in nood verkeer nie.

Sou God vandag óns aanbidding wou aanvaar? Dit is 'n uitdagende vraag — maar een wat beslis gevra moet word.

Gebed:

God van geregtigheid, betoon genade aan u kerk. Ons wy ons opnuut toe aan u wil — dié wil wat geregtigheid najaag en die onderdruktes verdedig. Amen.

Deur Dr. Ruth Valerio

Ruth is 'n skrywer en teoloog en is "Tearfund" se Direkteur van Wêreldwye Voorspraak en Invloed.