Nuwe Dag, Nuwe JyVoorbeeld

Maar God...

Daar is 'n klein frase in die Bybel waaroor ek opgewonde raak elke keer as ek dit sien. Dit is net twee klein woordjies, maar dit word regdeur die Bybel aangetref en is moontlik een van die kragtigste twee-woord frases daarin. Dit is eenvoudig dit: Maar God . . .

Soos ons deur die Bybel gaan, lees ons aanhoudend rampspoedige verslae van die vreeslike dinge wat die duiwel vir God se mense beplan het. Dan kom ons by hierdie klein frase, Maar God.. ., en die volgende ding waarvan ons lees is 'n oorwinning. In die bogenoemde Skrif word die feit genoem dat ons almal sondaars is, 'n toestand wat straf en die dood verdien. Die frase Maar God . . . onderbreek die proses. God se liefde word in die prentjie gebring en verander alles.

Toe ons sondaars was, het Christus vir ons gesterf en daardeur Sy liefde vir ons bewys. Hy het bewys dat Sy liefde die verwoesting van sonde onderbreek. Toe God my vir die bediening geroep het, het mense vir my gesê, "Joyce, 'n klompie van ons het gesels en ons voel daar is geen manier wat jy ooit sal kan doen wat jy sê God vir jou gesê het jy gaan doen nie. Ons voel nie jou persoonlikheid is geskik vir so 'n werk nie." Ek onthou steeds hoe vreeslik ek gevoel het toe hulle daardie dinge vir my gesê het.

Ek was seergemaak en ontmoedig . . . maar God het my geroep en Hy het my bekwaam gemaak. Wat ander gedink het nie eers bruikbaar was nie, daarin het God waarde gesien. Hy het my gehelp en Hy sal dieselfde vir jou doen.

Uit die boek "New Day, New You" deur Joyce Meyer. Kopiereg 2007 deur Joyce Meyer. Gepubliseer deur FaithWords . Alle regte voorbehou.