Evangelie-gedrewe Werk In Die COVID-19 KrisisVoorbeeld

Ek weet nie van jou nie, maar tot onlangs het ek altyd Filippense 4:6 en 8 as afsonderlike, grootliks onverwante opdragte, gehoor. Maar soos ons in vandag se skrifgedeelte sien, is hulle agtereenvolgens, net geskei deur vers 7. Kan dit wees omdat deel van die oplossing vir ons angs gevind kan word in wat ons kies om aan te dink?

Gebaseer op gesonde verstand en ons gesamentlike ondervinding terwyl ons deur die COVID -19 krisis werk, glo ek die antwoord op daardie retoriese vraag is 'n duidelike "ja." Paulus beveel ons om beheer oor ons gedagtes te neem sodat die Here ons kan bevry van ons angstigheid.

Ons huidige omstandigheid bied 'n oortuigende getuigskrif van hierdie waarheid. 

Vandag se nuus is nie mooi of bewonderenswaardig nie. Ver daarvandaan. Vandag se hoofopskrifte is vol vrees en angs. 

Natuurlik moet ons ingelig word oor die kritiese dinge wat in die gemeenskappe waarin ons leef en die bedryf waarin ons werk, aan die gang is. Maar dit beteken nie ons moet vir ure aanmekaar die nuus lees, daarna kyk of luister nie.

As jy na my potgooi, "The Call to Mastery" luister, het jy waarskynlik gehoor ek praat oor die feit dat ek feitlik geen nuus inneem nie. Geen Nuus24, geen Twitter, geen nuusblad, geen Maroela Media of SABC-nuus nie. Niks.

Maar vir voor-die-hand-liggende redes het ek onlangs nuuswebblaaie begin nagaan vir inligting oor self-afstand aanwysings, skole wat toemaak, ens. Hierdie inligting hou baie verband met my lewe en my werk. 

Maar in die soektog na daardie belangrike inligting het ek in die dryfsand beland, want dis wat die meeste moderne nuusdienste is. Ek het deur opskrifte gekyk van die belaglike ("Anoniem: 'miskien het ons nie 'n entstof nodig nie'") tot die vreeswekkende ("RSA se dodetal nader 5000"). Natuurlik het hierdie nuus (alhoewel dit effens vermaaklik en insiggewend was) geen impak op my lewe of my werk nie.

Binne 'n paar dae van my terugkeer na gereelde nuus inname, het ek 'n vlak van angstigheid beleef wat ek nog nooit voorheen gevoel het nie. Na 'n bietjie oordenking van die bo-staande verse, het die skuldige vir my duidelik geword. In plaas daarvan om my gedagtes met meer van God se woord te vul en om sy beloftes te onthou, het ek my gedagtes gevul met grootliks irrelevante, angswekkende nuus.

Jy en ek kan diegene wees na wie ons angstige medewerkers en vriende opkyk vir hoop gedurende hierdie moeilike tye. Maar nie as ons self angstig is en die hoop vergeet wat ons in Christus het nie. Mag ons diegene wees wat ons gedagtes vul met dinge wat "waar is, alles wat edel is, alles wat reg is, alles wat rein is, alles wat mooi is, [en] alles wat prysenswaardig is", sodat die hoop van die evangelie sigbaar kan word aan die mense saam met wie ons werk en leef.

As jy hierdie leesplan geniet het, sal jy my weeklikse oordenking, om jou te help om die evangelie dieper met jou werk te verbind, ook geniet. Skryf hier in.