Jou Reis Deur HartseerVoorbeeld

DAG NEGE: Skuld en Vergifnis 

Almal wat die dood van 'n geliefde ondervind het, verwyt hulleself. Daar is dinge wat jy wens jy gedoen het en dinge wat jy wens jy nie gedoen het nie.

Baie hiervan is valse skuld; jy kon nie geweet het of iets anders gedoen het nie. Tog het elke mens op 'n manier gefaal. Jy kon jou geliefde dalk werklik pyn aangedoen het en/of nie pyn verhoed het toe jy kon nie. 

Die enigste manier om skuld te hanteer — ware skuld of valse skuld — is om dit na Jesus te neem. Hy bied aan jou ware vergifnis. Dit is te groot vir jou om self te dra. 

Droefheid gaan ook soms gepaard met ingewikkelde omstandighede soos moord, selfdood, mediese nalatigheid, verwaarlosing, mishandeling of ander geweld. Jou pyn mag dan veral diep wees. 

Dit is in orde om kwaad te wees, miskien selfs vir jou oorlede geliefde kwaad te wees. As ander jou geliefde se dood veroorsaak het, is dit reg dat hulle verantwoordelik gehou word op enige wettige maniere. 

Een of ander tyd sal jy egter die onderwerp van vergifnis in die gesig moet staar. 

Vergifnis beteken nie dit is dan reg nie. Dit is NIE REG NIE! Dit is waarom vergifnis die enigste manier is om van die gif van bitterheid te ontsnap. 

Laat God oor die gevolge besluit. Kies op die regte tyd om te laat gaan en toe te laat dat Hy dit hanteer.