Jou Reis Deur HartseerVoorbeeld

DAG ELF: Kyk Vooruit Na die Ewigheid

Die lewe is moeilik. Dikwels voel dit, veral gedurende droefheid, asof ons moeilikhede alles behalwe "lig" of "kortstondig" is. 

As hierdie lewe so goed was as wat dit kan wees, sou ons reg gewees het om tou op te gooi. Dit is egter nie die einde nie. Daar is iets meer as wat ons nou kan sien en ondervind. 

Vir dié van ons wat saam met Jesus stap, sal dit wat nog kom glorieryk wees — so glorieryk dat ons die pyn wat ons nou verduur as nietig sal sien in vergelyking daarmee, dat ons dit as onbenullig sal beskou. 

Om so te wees, moet daardie heerlikheid ontsagwekkend wees! 

As Jesus sy oë op die ewigheid moes hou om deur te druk, moet ek en jy dit ook doen. Net deur na die ewigheid te kyk word hierdie lewe die moeite werd. 

God verstaan dat jy op hierdie oomblik omtrent niks behalwe jou pyn kan raaksien nie. As jy egter aanhou om hierdie reis van droefheid te stap, sal jou sig mettertyd verbeter, en jy sal kan sien daar is iets anderkant die droefheid. 

Daardie toekomstige perspektief sluit 'n doel in vir die res van jou lewe hier op aarde, en selfs meer lewe wat Hy vir jou in die ewigheid voorberei het. Moenie jou geleentheid om die heerlikheid wat vir jou voorlê mis te loop nie.