Rick Warren se Daaglikse OordenkingsVoorbeeld

Wie is die baas?

Jou baas is nie regtig jou baas nie, Jesus is jou baas.

Daar is twee konsepte wat ek wil hê jy in vandag se Bybelverse moet raaksien.

Eerstens: die Bybel sê: "Wat julle ook al doen, doen dit van harte soos vir die Here en nie vir mense nie" (Kolossense 3:23). Dit is baie makliker om entoesiasties oor jou werk te wees wanneer jy ophou fokus op "ek doen dit vir my baas" of "ek werk net vir die salaris" en eerder fokus op "ek doen dit vir die Here." Met dit in gedagte kan jy enigiets doen — verf afkrap, skottelgoed was, motors herstel — en dit as 'n aanbiddingsdaad doen.

Tweedens: wanneer jy jou werk in aanbidding verander, maak jy vir jou skatte in die hemel bymekaar. Kolossense 3:24 lees: "... omdat julle weet dat julle van die Here as beloning sal kry wat Hy belowe het. Christus is die Here in wie se diens julle staan" (Kolossense 3:24). Terwyl jy vir God werk, maak jy skatte in die hemel bymekaar.

"Of julle eet en of julle drink of wat julle ook al doen, doen alles tot eer van God" (1 Korintiërs 10:31). Dit maak nie saak of jy papiere organiseer of rekeninge teken nie, enige werk kan verander word in aanbidding as jy dit vol entoesiasme vir die Here doen.