Rick Warren se Daaglikse OordenkingsVoorbeeld

Wees geesdriftig in jou werk

As jy wil hê dat God jou werk moet seën, moet jy begin om geesdriftig te werk.

Entoesiasme is nie gegrond op hoe lekker jou werk is of hoe groot jou salaris is nie; dit gaan oor hoekom jy doen wat jy doen. Die woord entoesiasme is afkomstig van die Griekse woorde "en theos" wat "in God" beteken.

As jy geesdriftig oor jou werk wil wees, onthou hierdie drie dinge:

Jou werk is 'n toets van God af — “Wie in die kleinste dinge betroubaar is, is ook in die groot dinge betroubaar; en wie in die kleinste dinge oneerlik is, is ook in groot dinge oneerlik. As julle dan nie betroubaar is in die hantering van die oneerlike mammon nie, wie sal die ware rykdom aan julle toevertrou? As julle met 'n ander man se goed nie betroubaar is nie, wie sal dan iets aan julle gee om as julle eie te besit?" (Lukas 16:10-12).

Al sien niemand anders wat jy doen nie, sien God wat jy doen — "Lê jou daarop toe om jou tot beskikking van God te stel as 'n arbeider wat die goedkeuring van God wegdra, 'n arbeider wat hom vir sy werk nie hoef te skaam nie, wat die woord van die waarheid suiwer verkondig" (2 Timoteus 2:15).

Jy kan nie suksesvol wees as jy nie jou houding verander oor die werk waarmee jy tans besig is nie. Romeine 12:11 sê: "Moenie in julle toewyding verslap nie, bly altyd geesdriftig, dien die Here."