Rick Warren se Daaglikse OordenkingsVoorbeeld

Liefde uit die hart uit

Ek het agtergekom dat, as mense nie op my hart werk nie, werk hulle op my senuwees. Om werklik uit jou hart lief te hê, begin met die begrip van hoekom iemand voel soos wat hulle voel. Vra eers vrae en luister dan. Hoor die seerkry, kyk na die probleme en let op wat vir die persoon saak maak. As jy werklik omgee, sal jy dit agterkom.

Hoe is jy lief vir mense wat, selfs al verstaan jy hulle, nie jou hartsnare roer nie? "God is my getuie, Hy weet hoe ek na julle almal verlang met die liefde van Christus Jesus in my hart" (Filippense 1:8). In die Griekse taal is die woord "toegeneentheid", ook die woord vir ingewande. In die Griekse samelewing het die Grieke geglo dat die kern van emosies in die ingewande gesetel is.

Paulus het gesê: "Ek het 'n gevoel van toegeneentheid in my ingewande vir jou." Dit is nie 'n natuurlike gevoel nie. Dit is bonatuurlik, en daarom het Paulus gesê dat dit nie van homself afkomstig is nie, maar dit is die toegeneentheid van Christus Jesus. Die enigste soort liefde wat bly voortbestaan, ten spyte van hartseer in moeilike omstandighede, is God se liefde — die toegeneentheid van Jesus Christus.

Hoe kry 'n mens hierdie soort toegeneentheid in jou ingewande? "God het sy liefde in ons harte uitgestort deur die Heilige Gees wat Hy aan ons gegee het" (Romeine 5:5). God se liefde is nie iets wat jy kan opwek nie. Dit is iets wat in jou uitgestort word deur die Heilige Gees, wanneer jy Hom toelaat om dag na dag in jou te woon.